జిల్లావ్యాప్తంగా బిఆర్ఎస్ నేతల అరెస్టు
.. పోలీసుల అదుపులో సిపిఐ, బిజెపి నాయకులు
… సీఎం పర్యటన నేపథ్యంలో
పెద్దపల్లి, ఆంధ్రప్రభ – తెలంగాణ రాష్ట్ర ముఖ్యమంత్రి రేవంత్ రెడ్డి పెద్దపల్లి జిల్లా పర్యటన నేపథ్యంలో పోలీసులు భారత రాష్ట్ర సమితి, బిజెపి, సిపిఐ నాయకులు ముందస్తుగా అదుపులోకి తీసుకున్నారు. బుధవారం తెల్లవారుజామునుండే పోలీసులు నాయకులను అదుపులోకి తీసుకొని పోలీస్ స్టేషన్లకు తరలించారు.
గోదావరిఖనిలో టిఆర్ఎస్ కార్పొరేటర్లను బిదుపులోకి తీసుకున్నారు. పెద్దపల్లిలో బిఆర్ఎస్ పట్టణ అధ్యక్షులు ఉప్పు రాజ్ కుమార్ తో పాటు సిపిఐ నాయకులు తాండ్ర సదానందం, బిఆర్ఎస్వి జిల్లా అధ్యక్షులు కొయ్యడ సతీష్ గౌడ్ తో పాటు పలువురు అదుపులోకి తీసుకున్నారు. ఈ సందర్భంగా వారు మాట్లాడుతూ రాష్ట్రంలో నియంత పాలన సాగుతుందని, సీఎం జిల్లా పర్యటనకు వస్తే అరెస్ట్ చేయడమేంటని ప్రశ్నించారు. తాండ్ర సదానందం మాట్లాడుతూ ఎన్నికల సమయంలో కాంగ్రెస్ పార్టీతో పోత్తున్న సిపిఐ నాయకులను అరెస్టు చేయడం సిగ్గుచేటు అన్నారు.