గడపగడపకు సంక్షేమ పథ‌కాలు

ఇచ్చోడ, ప్రభ న్యూస్ : స్వరాష్ట్రంలో గడపగడపకు సంక్షేమం, ప్రతి కుటుంబంలో వెలకట్టలేని సంతోషం అని సర్పంచ్ గాడ్గే మీనాక్షి అన్నారు. ముఖ్యమంత్రి కేసీఆర్ చిత్రపటానికి పాలాభిషేకం చేసినారు. దివ్యాంగులకు 1000 పెన్షన్ పెంచినందుకు ముఖరా కె గ్రామంలో సర్పంచ్ గాడ్గే మీనాక్షి ఆధ్వర్యంలో కేసీఆర్ చిత్రపటానికి పాలాభిషేకం చేసి దివ్యాంగులు ధన్యవాదాలు తెలిపారు. ఇవాళ తెలంగాణలో సంక్షేమ పథకం అందని ఇల్లు లేదు, లబ్దిదారుడు లేని కుటుంబం లేద‌న్నారు. దేశంలో ఏ ప్రభుత్వం ఇవ్వని విధంగా పింఛన్లు ఇస్తున్న ఏకైక ముఖ్యమంత్రి కేసీఆర్ అని, జీవితాంతం ముఖ్యమంత్రి కి రుణపడి ఉంటామని అన్నారు. ఈ కార్యక్రమంలో ఎంపీటీసీ గాడ్గే సుభాష్, ఉప సర్పంచ్ వర్ష, తిరుపతి, మాదవ్, ఆసరా లబ్ధిదారులు పాల్గొన్నారు.