భైంసాలో పులి సంచారం.. లేగదూడపై దాడి..

నిర్మల్ జిల్లా భైంసా మండలంలోని కుంబి గ్రామ శివారులోని వ్యవసాయ చేనులో ఓ దూడను పులిదాడి చేసి చంపేసింది. చుచుంద్ గ్రామంలోని రాజేష్ అనే రైతుకు చెందిన దూడను కుంబి శివారులో ఉన్న తన వ్యవసాయ చేనులో కట్టి వేసి ఇంటికి వచ్చాడు. సోమవారం రాత్రి దూడపై పులి దాడి చేసి చంపేసింది. మంగళవారం ఉదయం రాజేష్ చేనుకు వెళ్లగా దూడ చనిపోయి ఉంది. ఆ ప్రాంతంలో పులి ఆనవాళ్లు ఉండడంతో పులి దాడి చేసినట్లు నిర్ధారణకు వచ్చారు. పులి సంచారంతో చుచుంద్, కుంబి పరిసర ప్రాంతాల ప్రజలు భయాందోళనకు గురవుతున్నారు.