ఉట్నూర్, జూన్ 6 (ప్రభ న్యూస్) : ఆదిలాబాద్ జిల్లా ఉట్నూర్ పట్టణంలోని పక్కిర్ గుట్టకు చెందిన మలేరియా శాఖ సబ్ యూనిట్ అధికారి జాదవ్ గణేష్, ఉపాధ్యాయురాలు జాదవ్ సంగీత కుమారుడు జాదవ్ ఆకాశ్ రాజ్ నీట్ ఫలితాల్లో తెలంగాణ టాపర్ జాబితాలో నిలిచారు. నీట్ లో 720మార్కులకు గానూ ఆకాశరాజ్ 670 మార్కులు సాధించి ఎస్ టి కేటగిరీలో తెలంగాణ టాపర్ గా నిలిచారు.
ఆల్ ఇండియా ర్యాంకులో 64% సాధించారు. జాదవ్ ఆకాష్ రాజ్ టాపర్ గా నిలిచినందుకు తల్లిదండ్రులు ప్రభుత్వ ఉద్యోగులైన జాదవ్ గణేష్ జాదవ్ సంగీతలు హర్షం వ్యక్తం చేశారు. తన కుమారుడు నీట్ లో టాపర్ గా నిల‌వ‌డం ఎంతో సంతోషకరమని వారు పేర్కొన్నారు.
- Advertisement -