బాసర, ఆక్టోబర్ 29 (ఆంధ్ర ప్రభ) : చదువుల తల్లి బాసర శ్రీ జ్ఞాన సరస్వతి దేవి అమ్మవారిని మంగళవారం సినీ రచయిత, నటుడు తోటపల్లి మధు కుటుంబ సమేతంగా దర్శించుకుని పూజలు చేశారు. ఆలయానికి చేరుకున్న వీరిని ఆలయ అధికారులు, అర్చకులు స్వాగతం పలికారు.
అమ్మవారి సన్నిధిలో సినీ రచయిత తోటపల్లి మధు దంపతులచే ప్రత్యేక కుంకుమార్చన పూజలు జరిపించి హారతినిచ్చి ఆశీర్వదించారు. అమ్మవారి ఆశీర్వచన మండపంలో సినీ రచయిత తోటపల్లి మధు దంపతులను శాలువాతో సత్కరించి, అమ్మవారి తీర్థప్రసాదాలు అందజేశారు. వీరి వెంట ఆలయ అధికారులు పాల్గొన్నారు.