TS : అమ‌లులో ఎన్నిక‌ల కోడ్‌…రూ. 1.59ల‌క్ష‌లు ప‌ట్టివేత

జన్నారం,మార్చి 18 ( ప్రభ న్యూస్): ఎన్నికల్లో భాగంగా మంచిర్యాల జిల్లా జన్నారం మండలం ఇందనంపెళ్లి సమీపంలో ఏర్పాటుచేసిన అంతర్ జిల్లా చెక్ పోస్ట్ వద్ద సోమవారం రూ.1.59ల‌క్ష‌లు పోలీసులు పట్టుకున్నారు. పార్లమెంట్ ఎన్నికల కోడ్ అమలులోకి వచ్చినందున అక్కడ ఏర్పాటు చేసిన చెక్ పోస్టు వద్ద లక్షేటిపేట సీఐ అల్లం నరేందర్ ఆధ్వర్యంలో పోలీసులు ఓ బ్రెడ్ తరలిస్తున్న వ్యాన్ తనిఖీ చేయగా, ఆ వ్యాన్ లో ఉన్న సేల్స్ మెన్ కొమరం భీం ఆసిఫాబాద్ జిల్లా తిర్యాని మండల కేంద్రానికి చెందిన చిట్యాల పోచమల్లు వద్ద ఆ డబ్బులు లభించాయి. అతను ఆ నగదుకు సంబంధించి ఎలాంటి ఆధారాలు చూపనందున ఆ డబ్బులను సీజ్ చేసినట్లు పోలీసులు చెప్పారు.పట్టుకున్న డబ్బులను జన్నారం ఎస్ఎస్ టి బృందానికి అప్పగించినట్లు పోలీసులు తెలిపారు.