ఆంధ్రప్రభ ఆదిలాబాద్: ఆదిలాబాద్ జిల్లా కేంద్రంలో ప్రభాతభేరి ధార్మిక సంస్థ ఆధ్వర్యంలో ప్రతినిత్యం ఉదయం 5 గంటలకు మార్వాడి ధర్మశాల నుండి నిర్వహించే ప్రభాత్ బేరి నగర సంకీర్తనకు సరిగ్గా 14 వసంతాలు నిండాయి. ఈ సందర్భంగా శుక్రవారం ఉదయం వెంకటేశ్వర స్వామి ఆలయంలో ప్రత్యేక పూజలు నిర్వహించి మహా అన్నదాన ప్రసాద వితరణ కార్యక్రమాన్ని చేపట్టారు.
మహిళలు, ధార్మిక సంస్థ సభ్యులు ఆధ్యాత్మిక చింతనతో నగర సంకీర్తన నిర్వహిస్తూ కాలినడక ఆరోగ్యంతో పాటు భక్తి భావనను పెంపొందించడం జరిగిందన్నారు. పట్టణంలో పురాతన ఆలయాలను ప్రతిరోజు సందర్శిస్తూ వాటిని పరిరక్షించుకునేందుకు కృషి చేస్తామని నగర సంకీర్తన చారిత్రాత్మకంగా ఎప్పటికీ కొనసాగుతుందని వారు తెలిపారు. ఈ కార్యక్రమంలో చాంబర్ ఆఫ్ కామర్స్ ప్రతినిధులు గండ్రత్ సంతోష్, మహేష్ కేతన్, బండారి దేవన్న, పవన్ అగర్వాల్, తదితరులు పాల్గొన్నారు.
- Advertisement -