ఉట్నూర్ (ప్రభ న్యూస్) అదిలాబాద్ జిల్లా ఉట్నూర్ పట్టణ కేంద్రానికి చెందిన కాంగ్రెస్ యువ నాయకులు షేక్ సలీం విద్యుత్ ఘాతానికి గురై ఆదివారం ఉదయం మృతి చెందారు. ఆయన బంధువులు తెలిపిన వివరాల ప్రకారంగా షేక్ సలీం చెందిన హర్కాపూర్ సమీపంలోని వాటర్ గ్యారేజ్ లో వాటర్ తో గ్యారేజీని పరిశుద్ధం చేస్తుండగా ఎర్తింగ్ రావడంతో ఆయన షాక్ తగలడం అక్కడికక్కడే మృతి చెందారని తెలిపారు. మృతునికి భార్యతో పాటు ఇద్దరు మగ పిల్లలు, ఇద్దరు ఆడపిల్లలు ఉన్నారని తెలిపారు. కాంగ్రెస్ సీనియర్ నాయకులు షేక్ సలీం మృతి చెందిన విషయాన్ని తెలుసుకున్న ఖానాపూర్ ఎమ్మెల్యే వెడుమ బోజ్జు పటేల్, మృతి మీ ఇంటికి వెళ్లి పార్థివ దేహానికి నివాళులర్పించి కుటుంబ సభ్యులను పరామర్శించారు. మంచి నాయకుడ్ని కోల్పోయామని ఆయన అకాల మృతి చెందడం పార్టీకి తీరనిలోటని అన్నారు .
