ములుగు, ప్రభ న్యూస్ : ములుగు జిల్లాలో కారు యాక్సిడెంట్ జ‌రిగింది. ములుగు స‌మీపంలోని ప్రేమ్‌న‌గ‌ర్ వద్ద ఈ ఘ‌ట‌న ఇవ్వాల (మంగ‌ళ‌వారం) జ‌రిగింది. జాతీయ రహదారిపై ట్రాక్టర్ కారును ఢీ కొట్టిన ఘటనలో ములుగు డీపీఆర్‌వో ప్రేమ‌ల‌త తీవ్రంగా గాయ‌ప‌డ్డారు.
హన్మకొండ నుండి విధులకు హాజరు అయ్యేందుకు ములుగు వస్తున్న క్ర‌మంలో ప్రేమనగర్ వద్ద ఓ వడ్లలోడుతో ఎదురుగా వ‌చ్చిన ట్రాక్టర్ ఒక్కసారిగా యూటర్న్ తీసుకోవడంతో వెనుక వస్తున్న కారు ఢీకొట్టింది. ఈ ఘటలో డీపీఆర్‌వో ప్రేమ‌ల‌త ఎడమ చేయి విరిగింది. వెంటనే ములుగు ఏరియా హాస్పిటల్ కు తీసుకెళ్లారు. ప్రథమ చికిత్స అనంతరం వరంగల్ తరలించారు. ములుగు ఆస్పత్రిలో ఆర్డీవో రమాదేవి డీపీఆర్‌వో ప్రేమ‌ల‌త‌ను పరామర్శించారు.