పెబ్బేరు రూరల్ ఆంధ్రప్రభ : అదుపుతప్పి వోల్వో బస్సు పొలాల్లోకి దూసుకెళ్లిన ఘటన వనపర్తి జిల్లా పెబ్బేరు మున్సిపాలిలో శుక్రవారం తెల్లవారుజామున చోటుచేసుకుంది.పోలీసుల వివరాల ప్రకారం కరీంనగర్ జిల్లా దుర్సేడు నుండి అలంపూర్ కు వెళ్తున్న వోల్వో బస్సు శుక్రవారం తెల్లవారుజామున పెబ్బేరు సమీపంలోని జాతీయ ర‌హ‌దారి పై అదుపుతప్పి పొలాల్లోకి దూసుకెళ్లింది.ఈ ఘటనలో 15 మంది ప్రయాణికులకు గాయాలయ్యాయి. గాయాలైన క్షతగాత్రులను చికిత్స నిమిత్తం 108 అంబులెన్స్ ద్వారా వనపర్తి జిల్లా ఏరియా ఆసుపత్రికి తరలించారు ప్రమాద సమయంలో వోల్వా బస్సులో 55 మంది ప్రయాణికులు ఉన్నారని ఎస్సై హరి ప్రసాద్ రెడ్డి తెలిపారు.
