కౌడిపల్లి, ఆంధ్రప్రభ : చేపల వేటకు పెళ్లి వ్యక్తి మృతి చెందిన ఘటన మెదక్ జిల్లా కౌడిపల్లి మండల పరిధిలోని వెంకట్రావు పేట గ్రామంలో ఆదివారం రోజున చోటుచేసుకుంది.
ఎస్సై రంజిత్ రెడ్డి, మృతుని కుటుంబ సభ్యులు తెలిపిన వివరాల ప్రకారం… వెంకట్రావుపేట గ్రామానికి చెందిన ఉప్పరి నరేష్ గ్రామంలోని పెద్ద చెరువులో శనివారం చేపల వేటకు బయలుదేరాడు. ఆదివారం తెల్లవారేసరికి కూడా నరేష్ ఆచూకీ తెలియలేదు.. ఆదివారం మధ్యాహ్నం నుండి చెరువులో గాలింపు చేయగా…. ఉప్పరి నరేష్ చెరువులో చేపల కోసం వేసిన వలకు చుట్టుకొని మృతి చెందాడు. మృతుడి భార్య శైలజ పిర్యాదు మేరకు కేసు నమోదు చేసుకొని శవాన్నినర్సాపూర్ ఏరియా ఆసుపత్రికి తరలించడం జరిగిందని ఎస్సై రంజిత్ రెడ్డి తెలిపారు.
