జైనథ్, నవంబర్ 25 (ఆంధ్రప్రభ) : జైనథ్ మండల కేంద్రంలోని హనుమాన్ మందిర్ ఆలయ సమీపంలో సోమవారం ఆర్టీసీ బస్సు ద్విచక్ర వాహనాన్ని ఢీకొన్న ఘటనలో ఇద్దరు అక్కడికక్కడే దుర్మరణం చెందారు. ఉట్నూర్ డిపోకు చెందిన ఆర్టీసీ బస్సు జైనథ్ మీదుగా చంద్రపూర్ కు బైక్ పై వస్తుండగా ప్రమాదం చోటుచేసుకుంది.
ఆదిలాబాద్ లోని మసూద్ నగర్ కు చెందిన షేక్ అలీ (63) తన మనవడు షేక్ ఇజ్వాన్ (12) అక్కడికక్కడే మృతిచెందారు. మరో మనవడు షేక్ అర్వన్ తీవ్ర గాయాలతో ఆసుపత్రి పాలయ్యారు. ఆర్టీసీ బస్సు ఢీకొన్న ఘటనతో నడిరోడ్డుపై రక్తపుటేరులతో విషాదం చోటుచేసుకుంది. జైనథ్ పోలీసులు కేసు నమోదు చేసుకుని దర్యాప్తు సాగిస్తున్నారు.
- Advertisement -