భూపాలపల్లి (ప్రభన్యూస్): జయశంకర్ భూపాలపల్లి జిల్లాలో ఎస్ ఏ-2 పరీక్షలు కొనసాగుతున్నాయి. కాటారం మండలం ఇబ్రహీంపల్లి జిపి పోతుల్ వాయిలోని ఓ కార్పొరేట్ పాఠశాలలో మంగళవారం క్వశ్చన్ పేపర్ లీక్ అయినట్లు సమాచారం రావడంతో ఎంఈఓ దేవానాయక్ పాఠశాలను ఆకస్మికంగా తనిఖీ చేశారు. ఈ సందర్భంగా ఎంఈఓ దేవానాయక్ మాట్లాడుతూ.. ప్రభుత్వ నిబంధనలకు విరుద్ధంగా ముందస్తుగా పరీక్ష పత్రాలు పంపిణీ చేసి పరీక్షలు నిర్వహిస్తున్నారని ఆగ్రహం వ్యక్తం చేశారు.
పాఠశాలలో ఉపాధ్యాయుల అర్హత కు సంబంధించిన ధ్రువపత్రాలు లేవని, పాఠశాల రికార్డ్స్ ఇన్ కంప్లీట్ గా ఉన్నాయన్నారు. పాఠశాల ఇక్కడ నిర్వహిస్తూ ధ్రువపత్రాలు మాత్రం భూపాలపల్లిలో ఉన్నాయనడం పట్ల ఎంఈఓ యాజమాన్యాన్ని మందలించారు. పాఠశాలలో మౌలిక సదుపాయాలు కూడా సరిగా లేవని వారి వివరాలను బట్టి తదుపరి చర్యలు తీసుకుంటామని షోకాజ్ నోటీసు జారీ చేస్తున్నట్లు తెలిపారు.