గూడూరు, జనవరి 28 (ఆంధ్రప్రభ) : మహబూబాబాద్ జిల్లా గూడూరు మండలంలోని అప్పరాజుపల్లి గ్రామంలో రాజరాజేశ్వరి మిల్లులో విశ్వసనీయ సమాచారం మేరకు ఒక లారీ బియ్యం( పిడిఎస్) పట్టుకోవడం జరిగిందని ఓఎస్డీ టాస్క్ ఫోర్స్ ప్రభాకర్ రావు తెలిపారు.
మంగళవారం ఆయన తెలిపిన వివరాల ప్రకారం ఇలా ఉన్నాయి… సోమవారం రాత్రి సుమారు 12గంటల ప్రాంతంలో నమ్మదగిన సమాచారంతో దాడులు నిర్వహించి పట్టుకోవడం జరిగిందన్నారు. ఈ దాడిలో మోపెడు బండ్లతో పాటు ఓ లారీ బియ్యం పట్టుకొని కేసు నమోదు చేసి విచారణ చేస్తున్నట్లు ఆయన పేర్కొన్నారు. సుమారు 430బస్తాల దొడ్డు బియ్యం (రేషన్) ఉన్నట్లు ఆయన పేర్కొన్నారు. ఈ దాడిలో జిల్లా సివిల్ సప్లై అధికారి ప్రేమ్ కుమార్, సివిల్ సప్లై టాస్క్ ఫోర్స్ అధికారులు, తదితరులు పాల్గొన్నారు.
- Advertisement -