లారీని ఢీకొట్టిన బైక్.. ముగ్గురు దుర్మరణం

యాదాద్రి భువ‌న‌గిరి జిల్లా చౌటుప్పల్‌ మండలం ధర్మోజిగూడెం వద్ద రోడ్డు ప్రమాదం జరిగింది. శ‌నివారం తెల్ల‌వారుజామున జాతీయ ర‌హ‌దారిపై బైక్‌ను లారీ ఢీకొని ముగ్గురు యువకులు దుర్మరణం చెందారు. వేబ్రిడ్జి వద్ద నుంచి లారీని రివర్స్‌ చేస్తుండగా.. ఒక్కసారిగా లారీ జాతీయరహదారిపైకి రావడంతో ప్రమాదం చోటు చేసుకుంది. మృతుల్లో ఒకరు నల్గొండ జిల్లా చిట్యాల మండలం పిట్టంపల్లి వాసి హరీశ్‌ కాగా.. మరో ఇద్దరు హైదరాబాద్‌ రామాంతపూర్‌ వాసులు. పట్టంపల్లి నుంచి హైదరాబాద్‌కు వెళ్తుండగా ప్రమాదం జరిగినట్లు తెలుస్తోంది. హైదరాబాద్‌లో ఏసీ మెకానిక్‌గా యువకులు పని చేస్తున్నారు.  స‌మాచారం అందుకున్న పోలీసులు ఘ‌ట‌నా స్థ‌లానికి చేరుకున్నారు. మృత‌దేహాల‌ను పోస్టుమార్టం నిమిత్తం ఆస్పత్రికి త‌ర‌లించారు. ఈ ఘ‌ట‌న‌పై కేసు న‌మోదుచేసి ద‌ర్యాప్తు చేస్తున్నారు.