నిరుద్యోగుల కోసం ప్రతి మంగళవారం నిరాహార దీక్ష చేస్తానని ప్రకటించిన వైఎస్ షర్మిల.. ఇందులో భాగంగా రేపు ఉదయం 8 గంటల నుంచి సాయంత్రం 6 గంటల వరకు దీక్ష చేయనున్నారు. ఉమ్మడి మహబూబ్‌నగర్ జిల్లా వనపర్తి నియోజకవర్గంలోని తాడిపత్రి గ్రామంలో నిరుద్యోగ నిరాహార దీక్ష చేపట్టనున్నట్లు తెలిపారు. రాష్ట్రంలోని నిరుద్యోగులు, విద్యార్థులు, యువకులు, వైఎస్సార్ తెలంగాణ పార్టీ నాయకులు హాజరుకావాలని ఆ పార్టీ నేతలు కోరారు.
గతంలో నిరుద్యోగుల కోసం ఏప్రిల్‌ 15న 72 గంటల పాటు షర్మిల దీక్ష చేసినా తెలంగాణ ప్రభుత్వంలో చలనం రాలేదని వైఎస్ఆర్ టీపీ అభిప్రాయపడుతోంది. ఈ నేపథ్యంలో తెలంగాణలో ఉద్యోగం లేక నిరాశా నిస్పృహలతో కొట్టుమిట్టాడుతున్న యువతకు భరోసా కల్పించేందుకు షర్మిల నిరాహారదీక్ష చేపడుతున్నారని వైఎస్ఆర్ టీపీ అధికార ప్రతినిధి ఇందిరా శోభన్ తెలియజేశారు.
ఈ వార్త కూడా చదవండి: ప్రతి మంగళవారం వైఎస్ షర్మిల నిరాహార దీక్ష