సీఏఏ అమలు చేస్తాం: అమిత్ షా స్పష్టీకరణ

పౌరసత్వ సవరణ చట్టం(సీఏఏ)పై కేంద్ర హోం మంత్రి అమిత్ షా కీలక వ్యాఖ్యలు చేశారు. కరోనా ముగిసిన తర్వాత సీఏఏను అమలు చేస్తామని మంత్రి అమిత్ షా ప్రకటించారు. పశ్చిమబెంగాల్ రాష్ట్ర అసెంబ్లీ ఎన్నికల తర్వాత మొదటి సారి అమిత్ షా ఆ రాష్ట్రంలో పర్యటిస్తున్నారు. న్యూ జలపాయ్ గురిలో ర్యాలీ సందర్భంగా ఆయన ఈ వ్యాఖ్యలు చేశారు. తృణమూల్ కాంగ్రెస్ సర్కారు చొరబాట్లను అనుమతిస్తోందని ఆరోపించారు. చొరబాట్లను ప్రోత్సహిస్తోందని మండిపడ్డారు. ముఖ్యమంత్రి మమతా బెనర్జీ ఇంధనంపై స్థానిక సుంకాన్ని తగ్గించనందున భారతీయ జనతా పార్టీ (బిజెపి) పాలిత రాష్ట్రాలతో పోలిస్తే పశ్చిమ బెంగాల్‌లో పెట్రోల్ , డీజిల్ ధరలు ఎక్కువగా ఉన్నాయని అమిత్ షా పేర్కొన్నారు.