మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా త్వరలో ప్రేక్షకుల ముందుకు రాబోతున్న భారీ బడ్జెట్ ప్యాన్ ఇండియన్ మల్టీస్టారర్ సినిమా “ఆర్ఆర్ఆర్”. ఎస్ ఎస్ రాజమౌళి దర్శకత్వం వహిస్తున్న ఈ సినిమా ఈ ఏడాది సంక్రాంతి సందర్భంగా విడుదల కావాల్సింది.. కానీ, ఈ చిత్రాన్ని మార్చ్ 25కి వాయిదా వేశారు దర్శకనిర్మాతలు. ప్రస్తుతం నిర్మాణానంతర పనులతో బిజీగా ఉంది మూవీ యూనిట్. కాగా, త్వరలోనే ప్రమోషన్స్ ని మొదలు పెట్టబోతున్నట్టు తెలుస్తోంది. ఈ నేపథ్యంలోనే సినిమా ప్రిరిలీజ్ ఈవెంట్ ని భారీస్థాయిలో ప్లాన్ చేస్తున్నట్టు సమాచారం. తాజాగా ఈ చిత్రం ప్రీ రిలీజ్ ఈవెంట్ కి సంబంధించిన ఓ ఆసక్తికరమైన వార్త సోషల్ మీడియాలో చక్కర్లు కొడుతోంది.
![](https://cdn.prabhanews.com/wp-content/uploads/2022/02/rrr-01.jpg)
“ఆర్ఆర్ఆర్” ప్రీ రిలీజ్ ఈవెంట్ ఇక్కడ కాదు దుబాయ్ లో జరగబోతోందని, ఈ ఈవెంట్ కి ప్రముఖ హాలీవుడ్ యాక్టర్ టామ్ క్రూజ్ ముఖ్యఅతిథిగా విచ్చేస్తున్నట్లుగా వార్తలు వినిపిస్తున్నాయి. ఇప్పటికే ఈ సినిమాలో ఒలీవియా మోరిస్, రే స్టీవెన్సన్ వంటి హాలీవుడ్ నటులు కీలక పాత్రలు పోషిస్తున్న సంగతి తెలిసిందే. ఇప్పుడు ప్రీ రిలీజ్ ఈవెంట్ కి టామ్ క్రూజ్ ను పిలిచి సినిమాకి మరింత హైప్ ను పెంచబోతున్నరు దర్శక నిర్మాతలు.
![](https://cdn.prabhanews.com/wp-content/uploads/2022/02/rrr-02-1024x768.jpg)