Wahtsapp మెస్పేజింగ్ యాప్ ఎప్పటికప్పుడు కొత్త కొత్త ఫీచర్స్ని అందుబాటులోకి తెస్తోంది. ఇప్పుడు లేటెస్ట్గా ఓ సరికొత్త అప్డేట్ని తీసుకొచ్చింది. వాట్సాప్ వీడియో లేదా వాయిస్ కాల్‌లలో జాయిన్ కావడానికి కాల్ లింక్‌లను షేర్ చేసుకునే ఆప్షన్ అందుబాటులోకి తీసుకొచ్చింది. ఈ ఫీచర్‌ను అందుబాటులోకి తెస్తున్నట్టు గత నెలలో మెటా సీఈఓ మార్క్ జుకర్‌బర్గ్ ప్రకటించారు.
కాల్స్ ట్యాబ్‌లోని ‘కాల్ లింక్‌లు’ ఆప్షన్ని ప్రెస్ చేయడం ద్వారా వినియోగదారులు ఆడియో లేదా వీడియో కాల్ కోసం కొత్త లింక్ని ప్రారంభించొచ్చు. ఇది జూమ్ వంటి వీడియో కాన్ఫరెన్సింగ్ యాప్‌లు అందించే ఫీచర్‌ను పోలి ఉంటుంది. కేవలం లింక్‌పై నొక్కడం ద్వారా కాల్‌లలో చేరడానికి ఇతర ఫ్రెండ్స్ని యాడ్ చేసుకునే అవకాశం ఉంటుంది.
అయితే.. మొన్నటిదాకా బీటా వర్షన్ టెస్ట్లో భాగంగా ఇచ్చిన ఈ ఫీచర్ క్రమంగా మిగతా యూజర్లకు కూడా అందుబాటులోకి రానుంది. యాప్ గ్రూప్ కాలింగ్ సామర్థ్యాన్ని మెరుగుపరచడం టార్గెట్గా దీన్ని అందించనున్నారు. కాల్ లింక్ ఉన్న వారు ఎవరైనా ఈ గ్రూప్ కాల్‌లో జాయిన్ కావచ్చు. వారు మీ గ్రూప్‌లో పార్టిసిపెంట్ కాకపోయినా సరే.. కాల్ లింక్ ఉంటే సరిపోతుంది. ఇట్లా ఈ కాల్ లింక్ 90 రోజుల దాకా వ్యాలిడిటీ కలిగి ఉంటుంది. ఈ ఫీచర్ ప్రస్తుతం మొబైల్ పరికరాల్లో మాత్రమే సపోర్ట్ చేస్తుందని, దీని వెబ్ ఆప్షన్ ఇంకా పరిశీలించలేదని తెలుస్తోంది..
WhatsAppలో కాల్ లింక్ని ఎలా సృష్టించాలంటే.. మొదట కాల్స్ ట్యాబ్‌ను నొక్కాలి. ఆ తర్వాత కాల్ లింక్ని క్రియేట్ చేయాలి.. అప్పుడు వీడియో, లేదా వాయిస్ కాల్ ఆప్షన్ ఎంచుకోవాలి.. ఆ తర్వాత వచ్చే లింక్ని షేర్ చేయాలి.. ఇట్లా కాల్ లింక్స్ని షేర్ చేసి గ్రూప్ కాల్ మీటింగ్ నిర్వహించుకునే వెసులుబాటు ఉంటుంది.