బ‌స్సు ప్ర‌మాదంలో వీర సైనికుల‌ని కోల్పోయాం- బాధిత‌కుల‌కు అన్ని విధాలా స‌హాయం చేస్తాం – ప్ర‌ధాని మోడీ

ల‌డ‌ఖ్ లోని తుర్టుక్ సెక్టార్ లో సైనికులు ప్ర‌యాణిస్తున్న బ‌స్సు 50-60 అడుగుల లోతుకు పడిపోయింది. ఈ ప్ర‌మాదం స‌మ‌యంలో బస్సులో 26 మంది సైనికులు ప్రయాణిస్తున్నారు. ఈ ఘటనలో ఇప్పటి వరకు ఏడుగురు జవాన్లు ప్రాణాలు కోల్పోయారు. అయితే మిగిలిన జవాన్ల పరిస్థితి కూడా విషమంగా ఉన్నట్లు సమాచారం. క్షతగాత్రులకు అన్ని రకాల వైద్య సదుపాయాలు కల్పిస్తున్నట్లు సంబంధిత వర్గాలు తెలిపాయి. బస్సుపై డ్రైవర్ నియంత్రణ కోల్పోవడం వల్ల అదుపుతప్పి నదిలో పడిపోయింది.కాగా లడఖ్‌లో జరిగిన బ‌స్సు ప్రమాదంలో ఏడుగురు సైనికులు మరణించడం పట్ల ప్రధాని నరేంద్ర మోడీ తీవ్ర సంతాపం వ్యక్తం చేశారు. గాయపడిన సైనికులు త్వరగా కోలుకోవాలని ఆకాంక్షించారు. లడఖ్‌ తుర్టుక్ సెక్టార్‌లోని ట్రాన్సిట్ క్యాంప్ నుంచి 26 మంది సైనికుల బృందం సబ్ సెక్టార్ హనీఫ్ కు వెళ్తున్న బస్సు అదుపు త‌ప్పి ష్యోక్ నదిలో పడిపోయింది. ఈ ప్రమాదంలో ఏడు మంది సైనికులు మ‌ర‌ణించ‌గా..పలువురు సైనికులు కూడా తీవ్రంగా గాయపడ్డారు. గాయపడిన ఆర్మీ జవాన్లను చికిత్స నిమిత్తం ఆస్పత్రికి తరలించారు. తీవ్రంగా గాయపడిన సైనికులను పశ్చిమ కమాండ్‌కు తరలించేందుకు భారత వైమానిక దళం నుంచి ఆర్మీ సహాయాన్ని కోరింది. లడఖ్ ప్రమాదంపై ప్రధాని మోదీ ట్వీట్ చేస్తూ.. ‘లడఖ్‌లో జరిగిన బస్సు ప్రమాదంలో వీర సైనికులను కోల్పోయినందుకు చాలా బాధపడుతున్నాను. మృతుల కుటుంబాలకు నా సానుభూతి. గాయపడిన సైనికులు ఉంటారని ఆశిస్తున్నాను. వారు వీలైనంత త్వరగా కోలుకోవాల‌ని ఆశిస్తున్నాను. బాధితుల‌కు అన్ని విధాలా సహాయం అంద‌జేస్తాంమ‌ని ప్రధాని మోడీ ట్వీట్ చేశారు.