కార్పొరేషన్, (ప్రభ న్యూస్): వరంగల్ జిల్లా ధర్మసాగర్ వద్ద కొనసాగుతున్న 60 ఎం.ఎల్.డి ఫిల్టర్ బెడ్ రిపేర్ల కార‌ణంగా రేపు, ఎల్లుండి వరంగల్ టౌన్‌లో ప‌లు ఏరియాల‌కు నీటి స‌ర‌ఫ‌రాకు ఆటంకం క‌ల‌గ‌నుంది. నిర్వహణ పనులు కొనసాగుతున్న దృష్ట్యా ఈ నెల 6వ తేదీ నుండి 8 వ తేదీ వరకు నీటి సరఫరా ఉండదని డి.ఈ. రవి కుమార్ తెలిపారు.
ఈ సందర్భంగా అండర్ రైల్వే జోన్ పరిధిలోని ప్రాంతాలైన రంగసాయిపేట, శంభునిపేట్, సుభాష్ నగర్, కరీమాబాద్, బీరన్నకుంట, పెరుకవాడ, శివనగర్, పుప్పాలగుట్ట, ఫోర్ట్ వరంగల్ తో పాటు నక్కలపల్లి, మామునూరు, అల్లీపూర్, బట్టుపల్లి, కడిపికొండ, దేవన్నపేట, ఎల్లపూర్, రాంపూర్‌, మడికొండ,టేకులగూడెం ప్రాంతాల్లో నీటి సరఫరా ఉండదన్నారు. ఈ అంత‌రాయానికి చింతిస్తున్నామని, ప్రజలు సహకరించాలని విజ్ఞప్తి చేశారు.