– ఇంటర్నెట్ డెస్క్, ఆంధ్రప్రభ
బాలివుడ్లో అందరి అభిమానాన్ని చూరగొని, మిల్కీబ్యూటీగా పేరు తెచ్చుకుంది తమన్నా. హీరోయిన్గా అవకాశాలు తగ్గడంతో సరికొత్త రూపంలోకి మారిపోయింది. ఆ మధ్య నితిన్ హీరోగా వచ్చిన మ్యాస్ట్రో సినిమాలో లేడీ విలనిజాన్ని పండించి మెప్పించింది. ఆ తర్వాత ఓటీటీల్లో వరుస వెబ్సిరీస్లలో కనిపిస్తోంది. ఇప్పుడేమో మరీ బోల్డ్ సీన్స్లోనూ నటిస్తూ అభిమానులకు మతిపోగోడుగోంది.
ఇక.. ఇప్పుడు బి-టౌన్‌లో సరికొత్త జంట ఎవరయ్యా అంటే.. తమన్నా భాటియా, ఆమె బోయ్ఫ్రెండ్ విజయ్వర్మ పేరునే చెబుతున్నారు. లస్ట్ స్టోరీస్ 2 లో కలిసి వీరి నటించారు. నెట్ఫ్లిక్స్ లో వచ్చిన ఈ వెబ్సిరీస్ షూటింగ్ సమయంలో వారి రిలేషన్ షిప్ ప్రారంభమైనట్టు వారే అంగీకరించారు. అయితే.. ఈ సిరీస్ జనాలను పెద్దగా ఆకట్టుకోలేకపోయింది. సమీక్షకులు దీనిపై పాజిటివ్ కామెంట్స్ చేయలేదు. కానీ, నెటిజన్లు అయితే వారిద్దరి ఆఫ్-స్క్రీన్ రొమాన్స్ ను ఇష్టపడుతున్నారు. ఎయిర్‌పోర్ట్ స్పాటింగ్‌ నుండి బర్త్డే ఫోటోల వరకు… వారి డేటింగ్కు సంబంధించిన పుకార్లకు దారితీసిన అనేక సంఘటనలు ఇక్కడ చూడొచ్చు. విజయ్ వర్మ, తమన్నా భాటియా రిలేషన్షిప్కు సంబంధించిన టైమ్‌లైన్ పరిశీలిద్దాం..
డిసెంబర్ 2022
తమన్నా పుట్టినరోజు సందర్భంగా నటుడు నటుడు విజయ్వర్మ ఆమె ఇంటికి వచ్చాడు. వీరిద్దరూ కలిసి లస్ట్ స్టోరీస్ సెట్స్ లో ఫ్రెండ్స్గా మారారు. ఇక అప్పటి నుంచి రెగ్యులర్గా కలుస్తూ వస్తున్నారు.
నూతన సంవత్సరం సందర్భంగా..
అప్పటిదాకా తమన్నా, విజయ్వర్మ మధ్య ఉన్న రిలేషన్ పెద్దగా ఎవరికీ తెలియదు. అయితే అప్పటికే కొన్ని ఊహాగానాలు వచ్చాయి. కాగా, ఇక్కడున్న ఫొటో విమానాశ్రయంలో కనిపించింది. గోవాలో నూతన సంవత్సర వేడుకల్లో తమన్నా, విజయ్వర్మ ఇద్దరూ పాల్గొన్నారు. వారిద్దరూ సాన్నిహిత్యంగా ఉండడమే కాకుండా కిస్ (ముద్దు) చేసుకోవడం ఫొటోలో చూడవచ్చు. వైరల్ అయిన వీడియోలలో ఇది ఒకటి. 2023వ సంవత్సరాన్ని స్వాగతిస్తున్నప్పుడు బిగ్గరగా కౌగిలించుకోవడం, ఒకరినొకరు ముద్దు పెట్టుకోవడం చూడొచ్చు.ఈ సందర్భంగాలో తమన్నా క్యూట్ పింక్ డ్రెస్లో కనిపించగా, విజయ్ వర్మ తెల్లటి షర్ట్ ధరించాడు.
ప్రేమికుల రోజు..
37 ఏళ్ల నటుడు విజయ్వర్మ తన ఇన్‌స్టాగ్రామ్‌లో రెండు జతల పాదాల ఫొటోని, రెడ్ కలర్లో లవ్ సింబల్ని పోస్ట్ చేశాడు. వారి రిలేషన్ని సూచిస్తూ ఈ ఫొటో షేర్ చేసినట్టు తెలుస్తోంది. వీళ్లిద్దరూ ఇంతకుముందు ఒక అవార్డ్ ఫంక్షన్‌కు కూడా హాజరయ్యారు. అక్కడ వారు ఒకే కారులో నుంచి దిగడం కూడా గమనించవచ్చు.
ఏప్రిల్ 2023
తమన్నా, విజయ్వర్మ కలిసి కారులో చక్కర్లు రైడ్కి వెళ్లారు. వర్మ కారు నడుపుతుండగా, తమన్నా డ్రైవ్‌ను ఎంజాయ్ చేసినట్టు ఆ ఫొటో ఉంది.
మే 2023
నటుడు గుల్షన్ దేవయ్య, ట్రైలర్ లాంచ్ సందర్భంగా.. విజయ్‌ని తమన్నా పేరుతో పదే పదే ప్రస్తావించారు. వారి మధ్య అప్పటికే గాఢమైన బంధాన్ని ఈ సందర్భంగా అందరూ గమనించారు.
జూన్ 2023 ఫిల్మ్ కంపానియన్‌కి ఇచ్చిన ఇంటర్వ్యూలో బాహుబలి నటి తన రిలేషన్ షిప్ని అంగీకరించింది. తాము ఇద్దరం రిలేషన్షిప్లో ఉన్నట్టు వెల్లడించింది. అతనంటే తనకు ఎంతో ఇష్టమని, అందుకే తనతో కలిసి సాగుతున్నట్టు తమన్నా ఈ సందర్భంగా వెల్లడించింది.