– ఇంటర్నెట్ డెస్క్, ఆంధ్రప్రభ
స్పై ఓరియంటెడ్ వెబ్ సిరీస్లో వరుణ్ ధవన్తో సమంత రొమాన్స్ చేయనున్నట్టు తెలుస్తోంది. ఈ సిరీస్లో నటిస్తున్న విషయాన్ని సమంత తెలిపింది. దీనికి సంబంధించిన కొన్ని విషయాలను తన ఇన్స్టాలో షేర్ చేసింది. అంతేకాకుండా నటుడు వరుణ్ ధావన్తో కలిసి ఇందులో సమంత హాట్ హాట్గా కనిపించనున్నట్టు సమాచారం. ఇప్పటికే సిటాడెల్లో వరల్డ్ ఫేమస్ బ్యూటీ ప్రియాంక చోప్రా నటించింది. బోల్డ్ సీన్స్తో తన అభిమానులను ఆకట్టుకుంది. స్పై ఓరియంటెడ్ సిరీస్ అయిన సిటాడెల్ ఫస్ట్ సీజన్ పూర్తి కావడంతో ఇక రెండో సీజన్లో సమంత యాక్ట్ చేసినట్టు సమాచారం.
ఇక.. ప్రైమ్ వీడియో వారి సిరీస్ ‘సిటాడెల్’ కి చెందిన ఇండియా సిరీస్కు సంబంధించిన పార్ట్లో సెర్బియా షెడ్యూల్‌ని పూర్తి చేసినట్టు సమంత, వరుణ్ తెలిపారు. లోకల్ ఒరిజినల్ స్పై సిరీస్ గా చెప్పుకుంటున్న ఈ సిరిస్ ప్రస్తుతం పేరు పెట్టని ప్రాజెక్ట్ గానే ప్రైమ్ వీడియో తెలిపింది. హాలీవుడ్ ఫిల్మ్ మేకింగ్ ద్వయం రస్సో బ్రదర్స్ తో కలిసి ఏర్పాటుచేసిన ఓ ప్రొడక్షన్ బ్యానర్ లో సమంత వర్క్ చేస్తున్నట్టు తెలిపింది.
గతంలో ‘ది ఫ్యామిలీ మ్యాన్’ ‘ఫర్జీ’లో సమంత నటించింది. ఇక.. ప్రైమ్ వీడియోస్లో భాగంగా తనతో కలిసి పనిచేసిన రాజ్ నిడిమోరు, కృష్ణ డికె వంటి వారు రాబోయే షోలో షోరన్నర్‌లు, డైరెక్టర్లుగా పనిచేస్తున్నారు. సిటాడెల్కి సంబంధించిన షెడ్యూల్ పూర్తయినట్లు ప్రకటించిన వరుణ్ తన ఇన్‌స్టాగ్రామ్ స్టోరీస్‌లో రాజ్ & డికె, సహ నటుడు సాకిబ్ సలీమ్‌తో ఉన్న ఫొటోని షేర్ చేశాడు. ఇది సెర్బియా అబ్బాయిలు, అమ్మాయిలతో కలిసి నటించినప్పటి ఫొటో అని ‘భెడియా’ స్టార్ ఈ ఫొటోకు క్యాప్షన్ ఇచ్చాడు. సెర్బియా రాజధాని బెల్‌గ్రేడ్‌కి వీడ్కోలు పలుకుతూ సమంత కూడా తన ఇన్‌స్టాగ్రామ్ స్టోరీస్‌లో డెజర్ట్ ప్లేట్ కి సంబంధించిన ఓ స్నాప్‌ను పోస్ట్ చేసింది.
