సందీప్‌ కిషన్‌ బహుభాషా నటుడిగా ఎదిగాడు. తాజాగా యాక్షన్‌ ఎంటర్‌టైనర్‌ చిత్రం “మైఖేల్‌”లో నటిస్తున్నారు. ఇందులో విజయ్‌ సేతుపతి మరో ప్రధాన పాత్రధారి. రంజిత్‌ జయకోడి ఐదు భాషల్లో తెరకెక్కిస్తున్నారు. సందీప్‌ కిషన్‌ సరసన దివ్యాంక కౌశిక్‌ నటిస్తున్నారు. తాజాగా ఈ చిత్రంలో మరో ముఖ్యపాత్రలో వరలక్ష్మీ శరత్‌ కుమార్‌ నటిస్తున్నాట్టు ప్రకటించారు.
ప్రముఖ దర్శకుడు గౌతమ్‌ వాసుదేవ్‌ మీనన్‌ ఈ సినిమాలో విలన్‌గా నటిస్తున్నారు. ఇప్పటికే మొదటి షెడ్యూల్‌ పూర్తయింది.
సందీప్‌ కిషన్‌ పాత్ర ఎంత ఇంటెన్సిటీతో ఉండనుంద‌ట. రజింత్‌ జయకోడి ఈ చిత్రానికి విభిన్నమైన స్క్రిప్ట్‌ను సిద్ధం చేశారు. నటీ-నటులకు ఈ చిత్రం స్పెషల్‌గా నిలిచిపోనుంది. నారాయణ్‌ దాస్‌ కే నారంగ్‌ సమర్పణలో భరత్‌ చౌదరి, పుస్కర్‌ రామ్‌ మోహన్‌ రావు కలిసి ఈ చిత్రాన్ని నిర్మిస్తున్నారు.