ర‌ష్మిక బ‌ర్త్ డే – కొత్త మూవీ నుండి పోస్ట‌ర్ రిలీజ్

నేడు హీరోయిన్ ర‌ష్మిక మంద‌న బ‌ర్త్ డే. ఈ సంద‌ర్భంగా ఆమె హీరో దుల్క‌ర్ స‌ల్మాన్ తో ఓ చిత్రంలో న‌టిస్తోంది. కాగా ఈ చిత్రాన్ని హ‌ను రాఘ‌వ‌పూడి తెర‌కెక్కిస్తున్నాడు. ర‌ష్మిక పుట్టిన‌రోజు సంద‌ర్భంగా ఈ చిత్ర ఫ‌స్ట్‌లుక్ పోస్ట‌ర్‌ను మేక‌ర్స్ తాజాగా విడుద‌ల చేశారు. ప్రేమ‌క‌థ‌ నేప‌థ్యంలో తెర‌కెక్కిన ఈ చిత్రంలో ర‌ష్మిక కాశ్మీర్ ముస్లిం అమ్మాయిగా అఫ్రిన్ పాత్ర‌లో క‌నిపించ‌నుంది. తాజాగా విడుద‌లైన ఈమె లుక్ ఆక‌ట్టుకుంటుంది. దుల్క‌ర్ ఈ చిత్రంలో లెఫ్టినెంట్ రామ్ పాత్ర‌లో న‌టించ‌నున్నాడు. ప్ర‌స్తుతం షూటింగ్‌ జ‌రుపుకుంటున్న ఈ చిత్రాన్ని వైజ‌యంతి మూవీస్ బ్యాన‌ర్‌పై స్వ‌ప్న ద‌త్ నిర్మిస్తుంది. ఈ చిత్రంలో మృనల్ థాకూర్ మ‌రో హీరోయిన్‌గా న‌టిస్తుంది. విశాల్ చంద్ర‌శేఖ‌ర్ సంగీతం అందిస్తున్నాడు.ఇటీవ‌లే సందీప్‌రెడ్డి వంగా ద‌ర్శ‌క‌త్వంలో రణ్‌బీర్ క‌పూర్ హీరోగా న‌టిస్తున్న ‘యానిమ‌ల్’ చిత్రంలో ర‌ష్మిక క‌థానాయిక పాత్ర‌లో న‌టించ‌నున్న‌ట్లు మేక‌ర్స్ లేటెస్ట్‌గానే ప్ర‌క‌ట‌న ఇచ్చారు.