మెర్సిడెస్ బెంజ్ కారున ఢీ కొన్న ట్రాక్టర్ రెండు ముక్క‌లు అయింది. ఈ సంఘ‌ట‌న తిరుపతిలోని చంద్రగిరి బైపాస్ లో జరిగింది. రాంగ్ రూటులో వచ్చిన ట్రాక్టర్ బెంజ్ కారును బలంగా ఢీకొట్టింది. ఈ ఘటనలో కారు ముందు భాగం దెబ్బతినగా ట్రాక్టర్ మాత్రం రెండు ముక్కలైంది. ప్రమాదం నుంచి ట్రాక్టర్ డ్రైవర్ స్వల్ప గాయాలతో బయటపడ్డాడు. కారులోని ప్రయాణికులు సురక్షితంగా తప్పించుకున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. సోషల్ మీడియాలో వైరల్ అవుతున్న ఈ వీడియోపై నెటిజన్లు రకరకాల కామెంట్లు చేస్తున్నారు. ట్రాక్టర్ కంటే మెర్సిడెస్ బలమైనదని ఈ ఘటనతో నిరూపితమైందంటూ సరదా వ్యాఖ్యలు చేస్తున్నారు.
