దేశంలో కేన్సర్ బాధితుల సంఖ్య పెరుగుతోంది. దీనికి ప్రధాన కారణం ధూమపానం(సిగరెట్, బీడీ) మద్యపానం (ఆల్కాహాల్) వంటివే ప్రధాన కారణంగా చెబుతున్నారు వైద్య నిపుణులు. ప్రపంచ వ్యాప్తంగా 44.4శాతం (4.5మిలియన్లు) కేన్సర్ మరణాలలో ప్రమాద కారకాలు ఇవే ఉంటున్నాయని ఓ అధ్యయనం ద్వారా వెల్లడయ్యింది. లాన్సెట్ సైన్స్ మ్యాగజైన్లో ప్రచురితమైన ఓ పరిశోధన ప్రకారం.. 2019లో భారతదేశంలో జరిగిన మొత్తం కేన్సర్ మరణాలలో 37% పైగా ధూమపానం, మద్యపానం, అధిక BMI (బాడీ మాస్ ఇండెక్స్) వంటి అంశాలే ప్రమాద కారకాలుగా చెబుతున్నారు.
– డిజిటల్ మీడియా, ఆంధ్రప్రభ
ఓ అధ్యయనం ప్రకారం.. 2019లో ప్రపంచవ్యాప్తంగా మగాళ్లలో దాదాపు సగం (50. 6%) కేన్సర్ మరణాలు (2. 8 మిలియన్లు) ఇతర ప్రమాద కారకాల వల్ల సంభవించాయి. 36. 3% మొత్తం ఆడాళ్లలో కేన్సర్ మరణాలు (1. 5 మిలియన్లు) ధూమపానం, మద్యపానం వంటి వాటితో సంభవించినట్టు తెలుస్తోంది. యూనివర్శిటీ ఆఫ్ వాషింగ్టన్ స్కూల్ ఆఫ్ మెడిసిన్‌లోని ఇన్‌స్టిట్యూట్ ఫర్ హెల్త్ మెట్రిక్స్ అండ్ ఎవాల్యుయేషన్ డైరెక్టర్ అధ్యయనం యొక్క సహ -సీనియర్ రచయిత క్రిస్టోఫర్ ముర్రే ఇలా అన్నారు “ధూమపానం ప్రపంచవ్యాప్తంగా కేన్సర్కు ప్రధాన ప్రమాద కారకంగా కొనసాగుతోంది. కేన్సర్కు ఇతర గణనీయమైన వేరే అంశాలు ఉండొచ్చు. కానీ, ఈ రెండు ప్రధాన కారణాలుగా కొనసాగుతూ వస్తున్నాయి”అన్నారు.
లాన్సెట్ అధ్యయనంలో ప్రచురించిన దాని ప్రకారం.. పరిశోధకులు 2019లో 23 రకాల కేన్సర్ల కారణంగా మరణాలు సంబవించాయని.. అట్లానే అనారోగ్యానికి 34 ప్రవర్తనా, జీవక్రియ, పర్యావరణ మరియు వృత్తిపరమైన ప్రమాద కారకాలు ఎలా దోహదపడ్డాయో పరిశోధించారు. ప్రమాద కారకాల కారణంగా 2010, 2019 మధ్య కేన్సర్ సోకడంలో మార్పులు కూడా అంచనా వేశారు. ప్రపంచవ్యాప్తంగా కేన్సర్ మరణాలకు, మగాళ్లు, ఆడాళ్ల అనారోగ్యానికి ప్రధాన ప్రమాద కారకాలు ధూమపానం అని వారు కనుగొన్నారు.
ప్రపంచవ్యాప్తంగా పురుషులు, మహిళలకు ప్రమాదకర కేన్సర్ సోకడం.. మరణాలకు ప్రధాన కారణంగా శ్వాసనాళం, బ్రోంకస్.. ఊపిరితిత్తుల కేన్సర్ వంటివి ఉంటున్నాయని తెలిపారు. ఇది 36. 9% కేన్సర్ మరణాలలో ప్రమాద కారకాలకు కారణమైంది. దీని తర్వాత పురుషులలో పెద్దపేగు, పురీషనాళ కేన్సర్ (13. 3%), అన్నవాహిక కేన్సర్ (9. 7%), కడుపు కేన్సర్ (6. 6%) ఉంటున్నాయి. ఇక గర్భాశయ క్యాన్సర్ (17. 9%), పెద్దపేగు, పురీషనాళం క్యాన్సర్ (15. 8%)తో పాటు మహిళల్లో రొమ్ము క్యాన్సర్ (11%) ఉండడం గమనించారు.
2010, 2019 మధ్య ప్రమాద కారకాల కారణంగా కేన్సర్ మరణాలు ప్రపంచవ్యాప్తంగా 20. 4% పెరిగాయి. ఇది 3. 7 మిలియన్ల నుండి 4. 45 మిలియన్లకు పెరిగింది. అదే సమయంలో కేన్సర్ కారణంగా అనారోగ్యం 16. 8% పెరిగింది. ఇది 89. 9 మిలియన్ల నుండి 105 మిలియన్ల DALYలకు (వైకల్యం-సర్దుబాటు చేసిన జీవిత సంవత్సరాలు) పెరిగింది. జీవక్రియ ప్రమాదాలు కేన్సర్ మరణాలు.. అనారోగ్యంలో అత్యధిక పెరుగుదలకు కారణమయ్యాయి. మరణాలు 34. 7% (2010లో 6,43,000 మరణాలు నుండి 2019లో 865,000) DALYలు 33. 3% (2010లో 14. 6 మిలియన్లు నుండి 199 వరకు) పెరిగాయి. 2019లో 4 మిలియన్లు)
