మెస్సేజింగ్ యాప్‌ల‌లో టాప్ ప్లేస్‌లో ఉన్న వాట్సాప్ కొత్త కొత్త ఫీచర్ల‌ను అందుబాటులోకి తెస్తోంది. ప్ర‌పంచ వ్యాప్తంగా కోట్లాది మంది స‌బ్‌స్క్రైబ‌ర్లుండ‌గా.. ఒక్క ఇండియాలోనే వాట్సాప్కు 50కోట్లకుపైగా యూజర్లు ఉన్నారు. వారిని ఆకట్టుకునేందుకు వాట్సాప్ ఎప్పటికప్పుడు కృషి చేస్తూనే ఉంది. అందుకు తగ్గట్టు కొత్త ఫీచర్లతో యూజర్లను పలకరిస్తుంది. ఈ క్రమంలో.. కొత్త‌గా రానున్న అయిదు వాట్సాప్ ఫీచర్ల గురించి తెలుసుకుందాం. ఇవి.. వాట్సాప్ వెబ్, ఫోన్ యాప్కు కూడా అందుబాటులోకి రానున్నాయి.
చాట్ విత్ యువర్ సెల్ఫ్..
ప్రస్తుతం వాట్సాప్ యూజర్లు తమకి తాము మెసేజ్ చేసుకోవచ్చు. ఈ కొత్త ఫీచర్తో చాట్కు ‘మెసేజ్ యువర్సెల్ఫ్’ ఆఫ్షన్ యాడ్ అవుతుంది. వాట్సాప్ కాంటాక్ట్స్ లిస్ట్లో చాట్ విత్ యువర్ ఫోన్ నెంబర్ ఆప్షన్ కూడా ఉండ‌బోతోంద‌ని వాబీటాఇన్ఫో నివేదికలో పేర్కొన్నారు.
గ్రూప్ చాట్స్లో ప్రొఫైల్ ఫొటోస్..
వాట్సాప్ గ్రూప్ చాట్స్లోని వారికి ప్రొఫైల్ ఫొటోలు పెట్టుకునే అవకాశాన్ని కల్పించేందుకు కొత్త ఫీచర్ను తీసుకురానున్నారు. ఈ ఫీచర్తో.. గ్రూప్లో ఏదైనా మెసేజ్ వస్తే.. ఆ మెసేజ్ పంపిన వారి ప్రొఫైల్ ఫొటో కనిపించ‌నుంది. ప్రైవసీ సెట్టింగ్స్ లేదా ప్రొఫైల్ ఫొటో కనిపించకపోతే.. గ్రూప్ చాట్లో డీఫాల్ట్ ప్రొఫైల్ క‌నిపించేలా సెట్ చేసుకోవచ్చు.
మీడియాకు క్యాప్షన్..
మెసేజ్లు, వీడియోలు, జిఫ్లు, డాక్యుమెంట్లతో పాటు వాటి కింది క్యాప్షన్లు కూడా జత చేసే ఫీచర్ను వాట్సాప్ డెవ‌ల‌ప్ చేస్తోంది. ఆండ్రాయిడ్ వాట్సాప్ బీటా 2.22.23.15 వర్షెన్లో ఇది ఇప్ప‌టికే అందుబాటులో ఉంది. ఇతర డివైజ్లకు కూడా త్వరలోనే ఈ ఫీచర్ అందుబాటులోకి రానున్న‌ట్టు తెలుస్తోంది.
ఇమేజ్లకు బ్లర్ ఆప్షన్..
వాట్సాప్లో ఇమేజ్లను బ్లర్ చేసే ఆప్షన్ ప్రస్తుతం కొన్ని డెస్క్టాప్ బీటా టెస్టర్లకే ఉంది. ఏదైనా ఇమేజ్ పంపించిన‌ప్పుడు అందులోని సున్నితమైన అంశాలను బ్లర్ చేసేందుకు ఈ ఆప్షన్ పనికొస్తుంది. దీనికోసం రెండు బ్లర్ టూల్స్ను వాట్సాప్ రెడీ చేస్తున్నట్టు తెలుస్తోంది. బ్లర్ సైజ్ను కూడా యూజర్లు ఎంచుకోవచ్చు.
డెస్క్టాప్లో.. మీడియా ఆటో డౌన్లోడ్..
డెస్క్టాప్లో మీడియా ఫైల్స్‌ని అంటే పొటోలు కానీ, ఇతర వీడియోలు, పీడీఎఫ్ ఫైల్స్ వంటివి క్లిక్ చేస్తే కానీ డౌన్లోడ్ కావు. కానీ, దీనికి ఆటో వర్షెన్ను తెచ్చేందుకు వాట్సాప్ ప్రయత్నిస్తోంది. ఫొటోలు, వీడియోలు, డాక్యమెంట్లు వంటివి ఆటో డౌన్లోడ్ చేసుకునేలా సెట్టింగ్స్లో ఆప్ష‌న్స్ తీసుకురానుంది.