రష్యా, ఉక్రెయిన్ వార్ ఎంతగా ప్రపంచ దేశాలను ఎఫ్టెక్ట్ చేస్తుందంటే.. ఆ రెండు దేశాల మీద ఆధారపడి ఉన్న ప్రతి ఇండస్ట్రీ మీద చాలా ఎఫెక్ట్ పడుతోంది. ఎక్కువగా ఇబ్బంది పడుతున్న వాటిలో మోటారు వాహనాల ఇండస్ట్రీ ఉండగా.. ఆ తర్వాత న్యూస్ పేపర్ ఇండస్ట్రీ ఉంది. ఇందులో మీడియా రంగంలోని పలు సంస్థలు న్యూస్ ప్రింట్ ఇంపోర్ట్ కాకపోవడంతో ఆర్థిక ఇబ్బందులు ఎదుర్కోవాల్సిన పరిస్థితి వచ్చింది. కాగా, కొత్త వాహనాలు కొనేవారు అవి అనుకున్న టైమ్కు డెలివరీ అందక పెదవి విరుస్తున్నారు.
– డిజిటల్ మీడియా విభాగం, ఆంధ్రప్రభ
2019నుంచి కరోనా వైరస్ నేపథ్యంలో అన్ని రంగాలు దెబ్బతిన్నాయి. ఆ తర్వాత కొన్ని వ్యవస్థలు మెల్లమెల్లగా కోలుకుంటున్నప్పటికీ.. మీడియా రంగం మాత్రం చాలా కఠినమైన పరిస్థితులను ఎదుర్కోవాల్సి వస్తోంది. ఎంతోమంది మీడియా సిబ్బంది వైరస్ బారిన పడి చనిపోవడం.. ఆ తర్వాత ఎంతో పేరుగాంచిన మీడియా సంస్థలు ఆర్థిక ఇబ్బందులను తట్టుకోలే సిబ్బందిని తగ్గించుకోవాల్సిన పరిస్థితులు వచ్చాయి. అంతేకాకుండా కొన్ని మీడియా సంస్థలు అయితే వాటి ప్రింటింగ్ యూనిట్లను కూడా మూసివేసి తక్కువ మ్యాన్పవర్, కొద్దిపాటి సర్య్కులేషన్తో రన్ చేయడం ప్రారంభించాయి. ఇక.. వార్ ఎఫెక్ట్ కూడా మీడియా రంగంపై చాలా పెద్ద ఎత్తున ప్రభావాన్ని చూపింది. వార్కి ముందు వరకు న్యూస్ ప్రింట్ రేట్ టన్నుకు (2021 డిసెంబర్లో) దాదాపు700 నుంచి 750 డాలర్లుగా ఉండేది. ఆ తర్వాత 1000డాలర్లకు (78,936)లకు పెరిగింది. ఇది కాస్త ఇప్పుడు 12 నుంచి 13వేల డాలర్లకు టన్ను చొప్పున లభిస్తోంది.
కొవిడ్ ప్రభావం న్యూస్‌ప్రింట్ దిగుమతికి అంతరాయం కలిగించగా.. ఆ తర్వాత రష్యా, ఉక్రెయిన్ యుద్ధం వంటి అనేక అంశాలు పేపర్ కొరతకు దారితీశాయి. న్యూస్‌ప్రింట్‌ను కెనడా, యునైటెడ్ స్టేట్స్, కొరియా, రష్యాతో సహా అనేక దేశాలు ఉత్పత్తి చేస్తున్నాయి. అయితే యుద్ధంవల్ల దిగుమతులు లేక వార్తాపత్రికల సప్లయ్పై చాలా ప్రభావం పడింది.
ఇక.. మోటారు వాహన రంగాన్ని పరిశీలిస్తే.. ఇప్పుడున్న పరిస్థితుల్లో ప్రతి వాహన తయారీకి ఎలక్ట్రానిక్స్ చిప్స్ అవసరం ఎంతో ఉంది. కానీ, రష్యా, ఉక్రెయిన్ యుద్ధంతో టెక్నాలజీ పరంగా ఉపయోగించే ఎట్లాంటి చిప్స్ కూడా అందుబాటులో లేకుండా పోయాయి. దీంతో చేతిలో డబ్బులున్నా వెంటనే మనుసుకు నచ్చిన వాహనం కొనే పరిస్థితి లేదు. దీనికి వెహికల్ డెలివరీలు ఆలస్యం కావడమే ఉదాహరణగా చెప్పుకోవచ్చు. ప్రస్తుత పరిస్థితుల్లో లేటెస్ట్ మోడల్ మహీంద్రా ఎక్స్యూవీ 700 మోడల్ బండి కొనాలంటే ఏడాది కాలం వెయిట్ చేయాల్సిన పరిస్థితులున్నాయి. అదేవిధంగా మారుతీ ఎర్టిగా కొనాలన్నా దాదాపు తొమ్మిది నుంచి 11 నెలల పాటు ఆగాల్సి వస్తోంది. చిప్ల కొరతతో సహా ప్రపంచ వ్యాప్తంగా ఏర్పడ్డ సప్లయ్ చైన్లలో ఇబ్బందుల కారణంగా కార్ల కొనుగోలుదారులు ఇబ్బందులు పడుతున్నారు. కరోనాకు తోడు రష్యా, ఉక్రెయిన్ యుద్ధంతో చిప్ల తయారీ, సరఫరా మరింత దెబ్బతిన్నది. వీటితో పాటు సెమీ కండక్టర్ల కొరత కూడా ఇంకొంత కాలం ఇట్లానే ఉండే పరిస్థితి ఉందని సొసైటీ ఆఫ్ ఇండియన్ ఆటోమొబైల్ మాన్యుఫ్యాక్చరర్స్ (సియామ్) డైరెక్టర్ జనరల్ రాజేశ్ మీనన్ అంటున్నారు..
ప్రీమియం వెహికల్స్, కాంపాక్ట్ ఎస్యూవీ విభాగంలో వెహికల్స్ డెలివరీ ఇంకా ఆలస్యం అవుతోంది. ఫెడరల్ ఆఫ్ ఆటోమొబైల్ డీలర్స్ అసోసియేషన్ (ఫాడా) తెలిపిన వివరాల ప్రకారం.. ఎక్స్యూవీ 700తోపాటు హ్యుందయ్ క్రెటా, వెన్యూ (న్యూ వెర్షన్), మారుతి సుజుకి ఎర్టిగా, మహీంద్రా థార్, వెన్యూ వంటి బెస్ట్ సెల్లర్ మోడల్ వేహికల్స్ కనీసం ఆరు నుంచి తొమ్మిది నెలల పాటు వెయిట్ చేయాల్సిందే. అయితే.. హ్యుందయ్ గ్రాండ్ ఐ10 నియోస్ లేదా, శాంత్రో, మారుతి సుజుకి సెలేరియో, లేదా వ్యాగనార్, టాటా టిగోర్ వంటి హ్యాచ్బ్యాక్ / సెడాన్ వంటి బండ్లు డెలివరీకి మాత్రం ఒకటి రెండు నెలల టైమ్ పడుతోంది.
ఇక.. చిప్ల కొరత ఇప్పుడప్పుడే తీరేలా లేదని అంటున్నారు ఆటోమొబైల్ రంగ మార్కెట్ అనలిస్టులు. దాదాపు 2023వ సంవత్సరా దాకా ఇట్లాంటి పరిస్థితులే ఉంటాయంటున్నారు. కాగా వెయింటింగ్ లిస్ట్లో టాప్ మోడల్స్ కూడా ఉన్నాయి. ఇప్పటికైతే దేశవ్యాప్తంగా ఎక్కువగా మారుతీ కార్లదే పెద్ద మొత్తంలో అమ్మకం జరుగుతుంది. కాగా, మారుతీ సుజుకీ కంపెనీకి దాదాపు 3లక్షల 25వేల బుకింగ్లు పెండింగ్లో ఉన్నట్టు అంచనా. ఇవన్నీ సెమీ కండక్టర్ల కొరత కారణంగా మేకింగ్ ఆగిపోయాయని మారుతీ సుజుకీ మార్కెటింగ్, సేల్స్ సీనియర్ ఎగ్జిక్యూటివ్ డైరెక్టర్ శశాంక్ తెలిపారు.
