– ఇంటర్నెట్ డెస్క్, ఆంధ్రప్రభ
1) 2021లో మెక్సికోలో దారుణం జరిగింది. నిర్మాణంలో ఉన్న సిటీ మెట్రో స్టేషన్ లో కొంతభాగం కూలిపోయింది. దీంతో ఓ ప్యాసింజర్ రైలు కూలి, 26మంది ప్రయాణికులు చనిపోయారు.
2) 2018లో ఇటలీలోని జెనోవా నగరంలో కీలకమైన వంతెన కుప్పకూలింది. ఫ్రాన్స్ ను ఇటలీని కలిపే ఈ హైవేపైన నిర్మించిన ఈ వంతెన కూలిపోవడంతో వాహనాలు కిందపడ్డాయి. ఈ ప్రమాదంలో 43 మంది చనిపోయారు.
3) 2016లో కోల్ కతాలో నిత్యం బిజీగా ఉండే ఫ్లైఓవర్ కూలిపోవడంతో 26 మంది చనిపోయారు. కాంక్రీట్ శ్లాబుల కింద చిక్కుకున్న దాదాపు వందమందిని రెస్క్యూ సిబ్బంది కాపాడారు.
4) 2011లో డార్జిలింగ్ సమీపంలోని ఓ వంతెన కూలిపోయింది. నదిపై నిర్మించిన ఈ వంతెనపై జనం కిక్కిరిసిపోవడంతో అకస్మాత్తుగా కూలింది. దీంతో 32 మంది ప్రాణాలు కోల్పోయారు.
5) 2007లో చైనాలోని హునాన్ ప్రావిన్స్ లో నిర్మాణంలో ఉన్న ఓ బ్రిడ్జి కుప్పకూలి 64 మంది వర్కర్లు చనిపోయారు. అదే ఏడాది నేపాల్ లో జరిగిన ప్రమాదంలో 16 మంది చనిపోయారు. భేరీ నదిపై కట్టిన వంతెన కూలిపోవడంతో ఈ ప్రమాదం జరిగింది. ప్రమాద సమయంలో బ్రిడ్జిపై సుమారు 400 మంది దాకా ఉంటారని అధికారుల అంచనా. బ్రిడ్జి కూలడంతో నదిలో పడ్డ సుమారు 100 మంది ఈదుకుంటూ ఒడ్డుకు చేరుకున్నారు.
6) 2006లో పాకిస్థాన్ లో భారీ వర్షాలకు మార్దాన్ లోని ఓ బ్రిడ్జి కూలిపోయింది. దీంతో 40 మంది ప్రాణాలు కోల్పోయారు. అదే ఏడాది డిసెంబర్ లో బీహార్ లోని పురాతన బ్రిడ్జి ఒకటి కూలి ప్యాసెంజర్ ట్రైన్ కు ప్రమాదం జరిగింది. ఈ ఘటనలో 34 మంది చనిపోయినట్టు అధికారులు తెలిపారు.
7) 2003 ఆగస్టులో ముంబైలో వంతెన కూలి నదిలో పడడంతో 20 మంది చనిపోయారు. ఇందులో 19 మంది చిన్న పిల్లలే కావడం విషాదకరం. వంతెన పై నుంచి స్కూలు బస్సు వెళుతుండగా ఈ ప్రమాదం జరిగింది. డిసెంబర్ లో బొలీవియాలో వరదలకు ఓ బ్రిడ్జి కొట్టుకుపోయింది. ఆ సమయంలో బ్రిడ్జి దాటుతున్న బస్సు నీట మునిగి అందులో ప్రయాణిస్తున్న 29 మంది చనిపోయారు.
