కోలీవుడ్ స్టార్ హీరో తలపతి విజయ్ ఇవ్వాల తన 49వ పుట్టినరోజు జరుపుకుంటున్నారు. అతని పుట్టినరోజు సందర్భంగా అతని రాబోయే సినిమా లియో గురించి మేకర్స్ అర్ధరాత్రి ఫస్ట్ లుక్ పోస్టర్‌ను ఆవిష్కరించారు. లియో దర్శకుడు లోకేష్ కనగరాజ్ తన సోషల్ మీడియా అకౌంట్స్లో ఈ పోస్టర్‌ను షేర్ చేశారు. కాగా, పోస్టర్లో హీరో ఒకరి తలను సుత్తితో పగలగొట్టడం, రక్తం గాలిలో తేలుతున్నట్టు ఉంది. పోస్ట్ లో అతను హీరో విజయ్కి శుభాకాంక్షలు తెలుపుతూ ‘‘హ్యాపీ బర్త్‌డే @ యాక్టర్ విజయ్ అన్నా! మళ్లీ మీతో చేతులు కలపడం ఆనందంగా ఉంది” అని వెల్లడించారు.
లియో మూవీ ఏంటంటే..
ఈ సినిమాకి ముందుగా తాత్కాలికంగా తలపతి 67 అని పేరు పెట్టారు. ఎందుకంటే ఇది హీరో విజయ్కి 67వ చిత్రం కావడం విషేశం. ఈ చిత్రం కోసం విజయ్ గ్రే-షేడెడ్ హెయిర్‌స్టైల్‌ను మెయింటేన్ చేస్తున్నాడు. ఇక ఈ విధమైన లుక్ రావడానికి దాదాపు 30 రకాలుగా ప్రయత్నించినట్టు తెలుస్తోంది. ఆ తర్వాత ఈ మేకోవర్ని ఫైనల్గా ఎంపిక చేశారు. లోకేష్ కనగరాజ్ దర్శకత్వం వహించిన ఈ సినిమాలో సంజయ్ దత్, త్రిష, అర్జున్ సర్జా, మిస్కిన్, ప్రియా ఆనంద్ ముఖ్యమైన పాత్రల్లో నటిస్తున్నారు. ఈ సినిమాకి లోకేశ్ సహ రచయితగా కూడా ఉన్నారు. సంగీతం అనిరుధ్ రవిచందర్ స్వరాలు సమకుర్చారు. ఈ ఏడాది అక్టోబర్ 19న ఈ మూవీ థియేటర్లలోకి తీసుకురావడానికి ప్లాన్ చేస్తున్నారు.