కాజీపేట ఏప్రిల్23ప్రభ న్యూస్ … హనుమకొండ జిల్లాలోని కాజీపేట చౌరస్తాలో తెలంగాణ రైల్వే జేఏసీ ఆధ్వర్యంలో రైల్వే వ్యాగన్ తయారీ మరమ్మత్తుల వర్క్ షాపుల శంకుస్థాపన ధర్మ పోరాట దీక్ష నిర్వహించారు. ఈ దీక్షకు మద్దతుగా అన్ని పార్టీలను సంఘాలను ఆహ్వానించారు. ఈ సందర్భంగా బిజెపి రాష్ట్ర అధికార ప్రతినిధి ఏనుగుల రాకేష్ రెడ్డి మాట్లాడుతున్న సందర్భంగా వ్యాగన్ వర్క్ షాప్ కోసం మిగిలిన 10 ఎకరాల స్థలాన్ని ఎమ్మెల్యే వినయ్భాస్కర్ కేటాయించే లేకపోతున్నార‌ని, ఎన్నిసార్లు లేఖలు రాసిన రాష్ట్ర ప్రభుత్వం పట్టించుకోవడంలేదని అనడంతో టిఆర్ఎస్ నాయకులు, కార్యకర్తలు ధర్మ పోరాట దీక్ష చేస్తున్న శిబిరం ముందు రైల్వే జేఏసీ నాయకులు ఏనుగుల బిజెపి రాకేష్ రెడ్డి పై దాడికి దిగే ప్రయత్నం చేశారు
పోలీసులు సమాచారం అందుకొని సంఘటన స్థలానికి చేరుకొని గొడవకు పడుతున్న నాయకులను శాంతిప‌జేశారు..గొడవ చేయకుండా రైల్వే ధర్మ పోరాట దీక్షను సాగించుకోవాలని కాజీపేట సీఐ సార్ల రాజు సూచించారు.. అనంత‌రం రైల్వే జేఏసీ నాయకులు మాట్లాడుతూ, అన్ని పార్టీలకు అతీతంగా నిర్వహిస్తున్న రైల్వే పోరాట దీక్షను నిర్వహిస్తున్నామని, ఈ దీక్షకు ఎవరిని ఉద్దేశించి మాట్లాడవద్దని సూచించారు. దీంతో ధ‌ర్మ‌దీక్ష ప్ర‌శాంతంగా కొన‌సాగింది..