ఇంటర్ ఫలితాలపై తెలంగాణ ప్రభుత్వం ఓ నిర్ణయానికి వచ్చింది. ఇందులో భాగంగానే ఇవాళ ఇంటర్ సెకండియర్ ఫలితాల విధివిధానాలను తెలంగాణ సర్కారు ప్రకటించింది. ఈ మేరకు ఉత్తర్వులు జారీ చేసింది. ఇంటర్ మొదటి సంవత్సరంలో వచ్చిన మార్కులనే ద్వితీయ సంవత్సరంలోనూ ఇస్తామని ఉత్తర్వుల్లో ప్రకటించింది. అలాగే ప్రాక్టికల్ పరీక్షలకు వంద శాతం మార్కులు ఇవ్వాలని నిర్ణయం తీసుకుంది. ఇంటర్ మొదటి సంవత్సరం బ్యాక్ లాగ్స్ ఉంటే 35 శాతం మార్కులతో పాస్ చేస్తామని, సెకండియర్‌లోనూ ఆ సబ్జెక్టులకు 35 శాతం మార్కులు ఇస్తామని సర్కార్‌ ఉత్తర్వుల్లో పేర్కొంది.
అలాగే ప్రైవేట్ గా పరీక్ష ఫీజు కట్టిన విద్యార్థులకు 35 శాతం పాస్ మార్కులు ఇవ్వాలని నిర్ణయం తీసుకుంది ప్రభుత్వం. ఇక ఈ క్రైటీరియా నచ్చని విద్యార్థులకు పరీక్ష రాసే అవకాశం కూడా కల్పిస్తూ.. తెలంగాణ సర్కార్‌ నిర్ణయం తీసుకుంది. కాగా ఇటీవలే ఇంటర్ పరీక్షలను రద్దు చేస్తూ తెలంగాణ సర్కార్‌ నిర్ణయం తీసుకున్న సంగతి తెలిసిందే.