పులి వాసు డైరెక్ష‌న్ లో తెర‌కెక్కుతోన్న చిత్రం సూప‌ర్ మ‌చ్చి. ఈ చిత్రంలో కల్యాణ్ దేవ్ హీరోగా న‌టిస్తున్నాడు. ఈ సినిమాతో కథానాయికగా రచిత రామ్ పరిచయమవుతోంది. ఇటు కల్యాణ్ దేవ్ కెరియర్ కి .. అటు రచిత రామ్ ఎంట్రీకి ఈ సినిమా ఎంతవరకూ హెల్ప్ అవుతుందనేది చూడాలి. కాగా ఈ మూవీని రిజ్వాన్ నిర్మించాడు. సంక్రాంతి కానుక‌గా ఈ నెల 14న ఈ చిత్రాన్ని రిలీజ్ చేస్తున్నారు. ఈ మేర‌కు ప్ర‌మోష‌న్స్ ని పెంచారు. ఈ చిత్రం నుండి ఓ లిరిక‌ల్ సాంగ్ ని రిలీజ్ చేశారు. ‘డించక్ డించక్’ అంటూ ఈ పాట సాగుతోంది. పబ్ నేపథ్యంలో యూత్ తో జోష్ ఫుల్ గా సాగే పాట ఇది. నేపథ్యానికి తగినట్టుగానే రామజోగయ్య శాస్త్రి సాహిత్యాన్ని అందించారు. సాకేత్ ఆలపించిన ఈ పాటకి తమన్ సెట్ చేసిన బీట్ యూత్ ను ఆకట్టుకుంటోంది. ‘ఆట’ సందీప్ మాస్టర్ కొరియోగ్రఫీని అందించాడు. కల్యాణ్ దేవ్ డాన్స్ లో కాస్త రాటుదేలినట్టుగా కనిపిస్తున్నాడు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..