తమిళ స్టార్ హీరో విజయ్‌ ప్రధాన పాత్రలో నటించిన సినిమా ‘మాస్టర్‌’. ఈ చిత్రంలోని ‘వాతి కమ్మింగ్‌’ అనేపాట ప్రేక్షకులను ఎంతగానో ఆకట్టుకున్న విషయం తెలిసిందే. అనిరుధ్‌ సంగీతం అందించిన ‘వాతి కమ్మింగ్‌’ ఇటీవలే 100 మిలియన్ల కంటే ఎక్కువ వ్యూస్‌ సొంతం చేసుకుని యూట్యూబ్‌లో దూసుకెళ్తోంది. తాజాగా ఈ పాటపై సన్రైజర్స్ సారథి వార్నర్తో సహ టీమ్ ఆటగాళ్లు భువనేశ్వర్, రషీద్ ఖాన్ చిందులేస్తున్న వీడియో సోషల్ మీడియాలో వైరల్గా మారింది.
వాతి కమింగ్ పాటకు వార్నర్ డ్యాన్స్లేస్తూ కనిపించాడు. ముందు వార్నర్ ఈ పాటకు చిందులేయగా.. తర్వాత అతనితో భువనేశ్వర్ కుమార్, రషీద్ ఖాన్ జతకలిశారు. ఈ వీడియోను సన్రైజర్స్ హైదరాబాద్ తమ అధికారిక ట్విట్టర్ ఖాతాలో షేర్ చేసింది. ఇప్పుడు ఈ వీడియో వైరల్ అవుతోంది.