Breaking: సీఎం ఇంటిపై దుండగుల రాళ్ల దాడి

హరియాణా ముఖ్యమంత్రి మనోహర్​ లాల్​ ఖట్టర్​ నివాసంపై గుర్తుతెలియని వ్యక్తులు దాడికి పాల్ప‌డ్డారు. బైక్ ల‌పై వ‌చ్చిన గుర్తు తెలియ‌ని వ్య‌క్తులు రాళ్లు రువ్వారు. అయితే ఈ ఘటనలో ఎవరికీ గాయాలు కాలేదు. బైక్​లపై వచ్చి..కర్నాల్​లోని ముఖ్యమంత్రి నివాసం వద్ద దుండగుల దాడిని మొదట అక్కడే ఉన్న ఇద్దరు సెక్యూరిటీ గార్డులు గుర్తించినట్లు పోలీసులు తెలిపారు. ద్విచక్రవాహనాలపై సుమారు ఐదు-ఆరుగురు వచ్చారని పేర్కొన్నారు. భద్రతా సిబ్బంది తమను గుర్తించడం వల్ల నిందితులు అక్కడి నుంచి పరారయ్యారని తెలిపారు. దాడిలో ఎవరికీ ఎలాంటి గాయాలు కాలేదని వెల్లడించారు. దుండగులు రువ్విన రాళ్లదాడి నేపథ్యంలో సీఎం ఇంటి దగ్గర పోలీసులు భద్రతను కట్టుదిట్టం చేశారు.