లాభాల‌తో ప్రారంభ‌మైన స్టాక్ మార్కెట్స్

స్టాక్ మార్కెట్లు లాభాల‌తో ప్రారంభం అయ్యాయి. ప్ర‌పంచ మార్కెట్ల‌లో సానుకూల ఫ‌లితాల నేప‌థ్యంలో స్టాక్ మార్కెట్లు లాభాల‌తో ఆరంభం అయ్యాయి. దేశీయ సూచీలు స‌రికొత్త గ‌రిష్టాల‌ను తాకే అవ‌కాశం ఉన్న‌ట్లు మార్కెట్ నిపుణులు అభిప్రాయ‌ప‌డ్డారు.జపాన్‌కు చెందిన నిక్కీ 1.86శాతం, దక్షిణకొరియా కోస్పి 1.44శాతం, షాంఘై కాంపోజిట్ ఇండెక్స్ 0.35శాతం లాభపడటంతో ఆసియా షేర్లు సానకూల దృక్పథంతో ట్రేడ్ అవుతున్నాయి. ఎస్‌జీఎక్స్‌ నిఫ్టిలో ట్రెండ్లు మార్కెట్లు తిరిగి స్వదేశంలో సానుకూల ప్రారంభాన్ని సూచించాయి. సింగపూర్ ఎక్స్ఛేంజ్‌లో నిఫ్టీ ఫ్యూచర్స్ 139.70 పాయింట్లు లేదా 0.77 శాతం పెరిగి 18,224.80 వద్దకు చేరుకుంది.