Crime: దుండిగల్‌లో దారుణం.. బాలికపై మారు తండ్రి అత్యాచారం

హైదరాబాద్ నగర శివార్లలోని దుండిగల్‌లో దారుణం చోటుచేసుకుంది. మల్లంపేటలో ఓ బాలికపై మారు తండ్రి అత్యాచారానికి పాల్పడ్డారు. వివరాల్లోకి వెళ్లితే.. దుండిగల్ పరిధిలోని మల్లంపేటలో భర్తతో విడిపోయిన ఓ మహిళ మరో వ్యక్తితో సహజీవనం చేస్తున్నది. ఆమెకు 12 ఏళ్లు వయస్సున్న కూతురు ఉన్నది. ఆమెకు తెలియకుండా ఆ మైనరు బాలికపై మారుతండ్రి గత కొన్నిరోజులుగా లైంగిక దాడికి పాల్పడుతున్నాడు. ఈ విషయం బయటికి చెప్తే చంపేస్తానని బాలికను బెదిరించడంతో ఆమె మౌనంగా ఉండిపోయింది. ఈ క్రమంలో ఆ చిన్నారి ఆరోగ్యం క్షీణించడంతో తల్లి ఆమెను ఆస్పత్రికి తీసుకెళ్లింది. అక్కడ పరీక్షించిన వైద్యులు బాలిక గర్భవతి అని నిర్ధారించారు. బాలికను నియడంతో అసలు విషయం బయటపడింది. దీంతో ఆమె దుండిగల్‌ పోలీసులను ఆశ్రయించింది. కేసు నమోదుచేసిన పోలీసులు దర్యాప్తు చేస్తున్నారు.