Shamshabad Airport: స్పైస్‌ జెట్‌ విమానం అత్యవసర ల్యాండింగ్‌.. అసలు ఏం జరిగిందంటే..

హైదరాబాద్ లోని శంషాబాద్‌ ఎయిర్‌పోర్టులో స్పైస్‌ జెట్‌ విమానం అత్యవసర ల్యాండింగ్‌ అయింది. శంషాబాద్‌ ఎయిర్‌పోర్ట్ నుంచి శుక్రవారం ఉదయం తిరుపతి బయలుదేరిన స్పైస్ జెట్ విమానం.. తిరుపతి విమానాశ్రయంలో వాతావరణం అనుకూలించకపోవడంతో తిరిగి హైదరాబాద్ ఎయిర్‌పోర్టుకు చేరుకుంది. ఉదయం 7.45 నిమిషాలకు తిరుపతికి బయలుదేరిన విమానం తిరిగి శంషాబాద్‌ ఎయిర్‌పోర్టులో ల్యాండ్‌ అయింది. దట్టమైన పొగమంచు కారణంగా విమానం ల్యాండింగ్‌కు తిరుపతి ఎయిర్‌పోర్టు ఏటీసీ అధికారులు అనుమతించలేదు.