శివుడి ఫోటోలు షేర్ చేయవద్దన్నందుకు ట్రోలింగ్

కరోనా లాక్‌డౌన్ సమయంలో ఎంతోమందికి నటుడు సోనూసూద్ అండగా నిలిచి నీరాజనాలు అందుకున్నాడు. కొందరు ప్రజల గుండెల్లో ఆయన దేవుడిలా కూడా మారాడంటే అతియోశక్తి కాదు. కానీ గురువారం నాడు సోనూసూద్ చేసిన ఓ ట్వీట్ నెటిజన్‌లకు ఆగ్రహం తెప్పించింది. మ‌హాశిరాత్రి సంద‌ర్భంగా శివుడి చిత్రాల‌ను ఫార్వార్డ్ చేయ‌డానికి బ‌దులుగా ఆప‌ద‌లో ఉన్న‌వారికి అండ‌గా నిల‌బ‌డండి అంటూ సోనూసూద్ త‌న సోష‌ల్ మీడియాలో ట్వీట్ చేశాడు. ఈ ట్వీట్‌ను త‌ప్పుగా అర్ధం చేసుకున్న కొంద‌రు నెటిజ‌న్లు సోనూని ట్రోల్ చేయ‌డం మొద‌లు పెట్టారు. #WhoTheHellAreUSonuSood అనే హ్యాష్ ట్యాగ్‌తో ఆయనపై విమర్శలు చేశారు. ఇదే సమయంలో కొందరు ఈ రియల్ హీరోకు మద్దతుగానూ పోస్టులు పెడుతున్నారు. గ‌తంలోనూ సోనూసూద్‌పై ఇలాంటి ట్రోలింగ్స్ భారీగానే జ‌రిగాయి. కాగా తాజా ట్రోల్స్‌పై స్పందించిన సోనూసూద్ ‘నేను సామాన్యుడికి మాత్ర‌మే.. జ‌వాబుదారీగా ఉంటాను. మాన‌వ‌త్వంతో సాయం చేయ‌డ‌మే నా విధి’ అని పేర్కొన్నాడు.