ఢిల్లీలో పొగమంచు ఎఫెక్ట్.. పలు విమానాల రాకపోకలకు అంతరాయం

దేశ రాజధానిపై దట్టమైన పొగమంచు కమ్ముకుంది. దీంతో మంగళవారం ఢిల్లీ విమానాశ్రయానికి పలు విమానాల రాకపోకలకు అంతరాయం కలిగింది. పూర్ విజిబిలిటీ కారణంగా విమానాల రాకపోకలకు ఆలస్యం అయ్యిందని.. అయితే విమానలను రద్దు కానీ, మళ్లింపు చేయడం కానీ చేయలేదని తెలిపారు ఢిల్లీ విమానాశ్రయ సీనియర్ అధికారి.

దట్టమైన పొగమంచు కారణంగా పలు విమానాలు 5 నుంచి 15 నిమిషాలు ఆలస్యంగా నడిచాయన్నారు ఎయిర్ పోర్టు అధికారులు. అప్‌డేట్ చేసిన విమాన సమాచారం కోసం ప్రయాణికులు సంబంధిత ఎయిర్‌లైన్‌ను సంప్రదించాలని కోరారు. ఏదేమైనా ప్రయాణికుల అసౌకర్యానికి చింతిస్తున్నాం అన్నారు. పాలం విమానాశ్రయంపై దట్టమైన పొగమంచు కారణంగా ఉదయం 06:30 నుంచి 08:00 గంటల మధ్య పూర్ విజిబిలిటీ నెలకొందని తెలిపారు.