క్లీనింగ్ క్లాత్ తో దొంగ‌కి చుక్క‌లు చూపించిన మ‌హిళ‌-వైర‌ల్ గా వీడియో

దొంగ‌కి ఎదురెళ్లి వాడిని చిత‌క్కొట్టింది ఓ మ‌హిళ‌..ఈ సంఘ‌ట‌న సీసీ కెమెరాలో రికార్డ్ అయింది. లతీఫ్ పెకెర్ అనే మహిళ తన కుమారుడి బేకరీలో కౌంటర్ టేబుల్ ను క్లీన్ చేస్తోంది. బేకరీ డోర్ వద్దకు నల్లటి హుడీ షర్ట్ వేసుకుని వచ్చిన అగంతుకుడు గ్లాస్ డోర్ నుంచి బేకరీని పరిశీలించాడు. మహిళ ఒక్కతే ఉండడంతో తన పని సులువే అనుకుని, క్షణం ఆలస్యం చేయకుండా లోపలికి దూసుకొచ్చాడు. క్యాష్ డెస్క్ వద్దకు వచ్చి డబ్బులు తీసుకునే ప్రయత్నం చేయబోయాడు. మొదట అతడి చేతిలో ఆయుధం ఉందనుకుని వెనకడుగు వేసిన బేకరీ మహిళ.. ధైర్యం చేసి అతడి మీదకు క్లీన్ చేసే క్లాత్ తో దూసుకుపోయింది. అతడు ఆమెను తోసేసేందుకు గట్టిగా ప్రయత్నం చేశాడు. అయినా ఆమె తగ్గలేదు. బలంగా అతడిని ఎదుర్కొంది. దీంతో అతడు అక్కడి నుంచి పారిపోయాడు. క్లీనింగ్ క్లాత్ కు ఉన్న శక్తిని తక్కువ అంచనా వేయకండంటూ ఓ వ్యక్తి ట్విట్టర్ లో స్పందించడం గమనార్హం.