దర్శకధీరుడు రాజమౌళి తెరకెక్కించిన ‘ఆర్ఆర్ఆర్’ మూవీ ట్రైలర్ రికార్డులు సృష్టిస్తోంది. యూట్యూబ్లో సరికొత్త రికార్డులు క్రియేట్ చేస్తోంది. ‘ఆర్ఆర్ఆర్’ ట్రైలర్ విడుదలైన కొద్దిసేపటికే యూట్యూబ్లో బీభత్సమైన వ్యూస్, లైక్స్ వచ్చాయి. విడుదలైన 24 గంటల్లో అన్ని భాషల్లో కలిపి 50 మిలియన్లకు పైగా వ్యూస్ సాధించింది. తెలుగులో 20.45 మిలియన్ వ్యూస్ సొంతం చేసుకుంది. యంగ్ టైగర్ ఎన్టీఆర్, మెగాపవర్ స్టార్ రామ్చరణ్ స్క్రీన్ ప్రెజన్స్ అద్భుతంగా ఉన్నాయి.
‘ఆర్ఆర్ఆర్’ సినిమాలో రామ్చరణ్ అల్లూరి సీతారామరాజుగా, ఎన్టీఆర్ కొమరం భీమ్గా నటించారు. ఆలియా భట్, ఒలీవియా మోరిస్, అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. భారీ బడ్జెట్తో తెరకెక్కిన ఈ సినిమాని డీవీవీ దానయ్య నిర్మించారు. సినిమాని జనవరి 7న ప్రపంచవ్యాప్తంగా థియేటర్లలో విడుదల చేయనున్నారు.