జ‌గిత్యాల జిల్లాలో యాక్సిడెంట్‌.. ముగ్గురు మృతి

జగిత్యాల జిల్లాలో దారుణ‌మైన యాక్సిడెంట్ అయ్యింది. మల్యాల మండలం రాజారం వద్ద ఆటో, ద్విచక్రవాహనం ఢీకొన్న ఘ‌ట‌న‌లో ముగ్గురు మృతిచెందారు. మ‌రో అయిదుగురికి తీవ్ర గాయాల‌య్యాయి. జగిత్యాల నుంచి నూకపల్లి వెళుతుండగా ఈ ప్ర‌మాదం జ‌రిగిన‌ట్టు తెలుస్తోంది. నూకపల్లి అర్బన్‌ కాలనీలో మృతుల‌ను డ‌బుల్ బెడ్రూం ఇళ్లలో పనిచేసే కూలీలుగా గుర్తించారు. ఆటో జగిత్యాల నుండి మల్యాలకు వెళ్తుండగా ఈ ఘటన చోటు చేసుకుంది. గోపాల్, బత్హిని సంజీవి అక్కడికక్కడే చ‌నిపోయారు. దీనిపై పూర్తి వివ‌రాలు తెలియాల్సి ఉంది.