Flood: భద్రాచలం వద్ద పెరుగుతున్న గోదావరి నీటిమట్టం.. ఆందోళ‌న‌లో ముంపు వాసులు

భద్రాచలం వద్ద గోదావరి నీటిమట్టం పెరుగుతోంది. మూడు రోజులుగా కురుస్తున్న భారీ వర్షాలకు గోదావరికి వరద ఉధృతి పెరుగుతోంది. ఆదివారం ఉదయం 8 గంటలకు 31.5 అడుగులు ఉన్న నీటిమట్టం క్రమంగా పెరుగుతూ సాయంత్రం 6 గంటల స‌మ‌యానికి 36.1 అడుగులకు చేరింది. సోమవారం ఉదయానికి మొదటి ప్రమాద హెచ్చరిక చేరుకోవచ్చని అధికారులు తెలిపారు. ఈ ఏడాది జులై నెలలో ఒకసారి, ఆగస్టు నెలలో ఒకసారి గోదావరికి పెద్ద ఎత్తున వరదలు వచ్చాయి. ఇప్పుడు కురుస్తున్న భారీ వ‌ర్షాల‌కు మరోసారి భద్రాచలం వద్ద గోదావరికి వ‌ర‌ద పోటెత్త‌డంతో లోతట్టు కాలనీ వాసులు, ముంపు వాసులు ఆందోళన చెందుతున్నారు.