దర్శకధీరుడు రాజమౌళి ప్రతిష్టాత్మకంగా తెరకెక్కించిన భారీ బడ్జెట్ చిత్రం ‘ఆర్ఆర్ఆర్’. రామ్ చరణ్, ఎన్టీఆర్ ప్రధానపాత్రల్లో నటించిన ఈ సినిమా సంక్రాంతి కానుకగా జనవరి 7న ప్రేక్షకుల ముందుకు రానుంది. ఈ సందర్భంగా చిత్ర ప్రమోషన్స్ లో స్పీడ్ పెంచింది. ఇప్పటికే విడుదలైన పాటలు సూపర్ హిట్ అయ్యాయి. తాజాగా సినిమాలోని నాలుగో సాంగ్ ‘రోర్ ఆఫ్ భీమ్’ ను శుక్రవారం రిలీజ్ చేయనున్నట్లు చిత్రబందం ప్రకటించింది. ఈ పాటకు సంబంధించిన ప్రొమోను ఈ రోజు ఉదయం 11.30 గంటలకు విడుదల చేయనున్నారు.
అల్లూరి సీతారామరాజు పాత్రలో రామ్ చరణ్, కొమురం భీమ్ పాత్రలో ఎన్టీఆర్ నటించారు. అలియా భట్, ఒలివియా మోరిస్ హీరోయిన్లుగా నటించారు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. దాదాపుగా రూ.450 కోట్ల బడ్జెట్ తెరకెక్కిన ఈ చిత్రాన్ని డీవీవీ దానయ్య నిర్మించారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..
#AndhraPrabha #AndhraPrabhaDigital