రాజ‌మౌళి, మ‌హేశ్ బాబుల చిత్రం – బ‌డ్జెట్ ఎంతో తెలుసా

ద‌ర్శ‌కుడు రాజ‌మౌళి త‌న నెక్ట్స్ చిత్రాన్ని సూప‌ర్ స్టార్ మ‌హేశ్ బాబుతో తీస్తున్నాడు. కాగా ఈ చిత్రం ఆఫ్రికా అడవుల నేపథ్యంలో నడుస్తుందని తాజాగా ఒక ఇంటర్వ్యూలో ర‌చ‌యిత‌, రాజ‌మౌళి తండ్రి విజయేంద్ర ప్రసాద్ చెప్పారు. రాజమౌళికి లైన్ మాత్రమే చెప్పాననీ, త్వరలో పూర్తి కథను వినిపించనున్నానని అన్నారు. ఇక ఈ సినిమా మల్టీ స్టారర్ కాదనీ, హీరోగా మహేశ్ బాబు మాత్రమే కనిపిస్తాడని రీసెంట్ గా రాజమౌళి చెప్పిన సంగతి తెలిసిందే.ఈ సందర్భంలోనే ఆయన ఈ ప్రాజెక్టు ‘బాహుబలి’ .. ‘ఆర్ ఆర్ ఆర్’ కంటే పెద్దది అన్నారు. దాంతో ఒక్కసారిగా అందరి దృష్టి ఆ వైపు మళ్లింది. ఇక ఇప్పుడు ఈ సినిమా కోసం 800 కోట్ల రూపాయల బడ్జెట్ అవుతుందనే ఒక అంచనాకి వచ్చినట్టుగా సమాచారం. ఈ సినిమాలో మహేశ్ బాబును ఆయన జేమ్స్ బాండ్ గా చూపించనున్నారట‌.