ట్రాన్స్‌జెండర్ రాచెల్ లెవిన్‌ ను నియమించిన అగ్రరాజ్యం..

అమెరికా అధ్యక్షుడు జో బైడెన్ సర్కార్ సరికొత్త అధ్యయనానికి శ్రీకారం చుట్టింది. శిశువైద్యురాలు, ట్రాన్స్‌జెండర్ మహిళ రాచెల్ లెవిన్‌ను బైడెన్ ఆరోగ్య సహాయ కార్యదర్శిగా ఆమోదిస్తూ నిర్ణయం తీసుకుంది అక్కడి ప్రభుత్వం. పెన్సిల్వేనియా ఆరోగ్య శాఖ చీఫ్ అయిన రాచెల్‌ను ఈ ఏడాది జనవరిలో బైడెన్ ఈ కీలక పదవికి నామినేట్ చేశారు. రాచెల్ నామినేషన్ నిర్ధారించేందుకు సెనేట్‌లో ఓటింగ్ నిర్వహించారు. దీంతో రాచెల్‌ను 52-48 ఓట్ల తేడాతో సెనేట్‌ ఆమోదం తెలిపింది. ఇక తనకు దక్కిన ఈ కీలక పదవి పట్ల ఆనందం వ్యక్తం చేసిన రాచెల్.. 5.45 లక్షల మంది అమెరికన్లను పొట్టనబెట్టుకున్న మహమ్మారిపై పోరునే తన తొలి లక్ష్యంగా పేర్కొన్నారు.