గోపీచంద్ కొత్త సినిమా ‘పక్కా కమర్షియల్స ఇవ్వాల (ఆదివారం) రాత్రి ప్రీ రిలీజ్ ఈవెంట్ జరుపుకుంటోంది. దీనికి మెగాస్టార్ చిరంజీవి ముఖ్య అతిథిగా వ‌చ్చారు. ఈ సినిమాలో గోపీచంద్ సరసన రాశీఖన్నా న‌టించింది.. మారుతి దర్శకత్వం వహించిన ఈ సినిమాని గీతాఆర్ట్స్-2, యూవీ క్రియేషన్స్ సంయుక్తంగా నిర్మించాయి. అల్లు అరవింద్ సమర్పకుడిగా వ్యవహరిస్తున్నారు. ‘పక్కా కమర్షియల్స్‌’ సినిమాకి జేక్స్ బిజోయ్ సంగీతం అందించారు. ఈ చిత్రం జులై 1న ప్రేక్షకుల ముందుకు రానుంది.
కాగా, ఈ ప్రీ రిలీజ్ ఈవెంట్లో మెగాస్టార్ చిరంజీవి మాట్లాడుతూ అందరినీ ఉత్సాహపరిచారు. ఒక్కొక్కరి గురించి వివరంగా మాట్లాడుతూ వారి టాలెంట్ని, వారిలోని ప్రత్యేకతను పొగిడారు. ఇట్లా చిరంజీవి తమను పొగడ్తలతో ముంచెత్తడంతో అక్కడున్న వారు ఎంతో సంతోషంగా ఫీల్ అయ్యారు. ఇక సభకు వచ్చిన వారు అయితే ఈలలు, చప్పట్లతో హోరెత్తించారు. కాగా తన సినిమాల్లో రావు గోపాలరావు ఎట్లాంటి రోల్ పోషించారో గుర్తు చేసుకుంటూ.. ఇప్పుడున్న పరిస్థితుల్లో కూడా రావు రమేశ్ అట్లాంటి ఇంట్రెస్టింగ్ క్యారెక్టర్స్ లో ఇన్వాల్వ్ అవుతున్నారని, నటనలో మరో యాంగిల్ చూస్తున్నామని చిరంజీవి కొనియాడారు.
