ప్ర‌ముఖ స్టాక్ మార్కెట్ దిగ్గ‌జం -రాకేశ్ ఝున్‌ఝున్‌వాలా క‌న్నుమూత‌

గ‌త కొంత‌కాలంగా అనారోగ్య స‌మ‌స్య‌ల‌తో బాధ‌ప‌డుతూ క‌న్నుమూశారు ప్ర‌ముఖ వ్యాపారవేత్త, స్టాక్‌మార్కెట్‌ దిగ్గజం రాకేశ్‌ ఝున్‌ఝున్‌వాలా. ఆయ‌న వ‌య‌సు 62సంవ‌త్స‌రాలు.. దివారం ఉదయం 6.45 గంటలకు ముంబైలోని బ్రీచ్‌ క్యాండీ దవాఖానలో తుదిశ్వాస విడిచారు. ఝున్‌ఝున్‌వాలా ఈ మధ్యే విమానయాన రంగంలోకి ప్రవేశించిన విషయం తెలిసిందే. ఆయన సారథ్యంలోని ఆకాశ ఎయిర్‌ ఈ నెల 7న తన తొలి సర్వీసును ప్రారంభించింది.ఇండియన్‌ వారెన్‌ బఫెట్‌గా పేరుగాంచిన ఆయన 1985లో స్టాక్‌మార్కెట్‌లోకి అడుగుపెట్టారు. రూ.5 వేలతో స్టాక్‌ ట్రేడింగ్‌లో తన ప్రస్థానాన్ని మొదలుపెట్టారు. అంచలంచలుగా ఎదిగిన ఆయన ప్రస్తుత సంపాదన రూ.11 వేల కోట్లు.